Author: WEB EDITOR

ന്യൂഡെല്‍ഹി: തിരഞ്ഞെടുപ്പ് പ്രക്രിയയില്‍ സാങ്കേതിക വിദ്യ കാര്യക്ഷമമായി പ്രയോജനപ്പെടുത്തിയതിനുള്ള തിരഞ്ഞെടുപ്പു കമ്മീഷന്‍ അവാര്‍ഡ് രാഷ്ട്രപതി ദ്രൗപതി മുര്‍മു കാസര്‍കോട് ജില്ലാ കളക്ടര്‍ കെ. ഇമ്പശേഖരനു സമ്മാനിച്ചു. ന്യൂഡല്‍ഹി മനേക്ഷാ സെന്ററില്‍ നടന്ന ചടങ്ങിലായിരുന്നു അവാര്‍ഡ് വിതരണം. 2024ലെ ലോക്‌സഭാ തിരഞ്ഞെടുപ്പില്‍ ക്യൂആര്‍ കോഡ് ഉള്‍പ്പെടെയുള്ള നവീന സാങ്കേതിക വിദ്യകള്‍ ഇമ്പശേഖരന്റെ നേതൃത്വത്തില്‍ പ്രയോജനപ്പെടുത്തുകയും തിരഞ്ഞെടുപ്പ് പ്രവര്‍ത്തനങ്ങള്‍ സുതാര്യമാക്കുകയും ചെയ്തിരുന്നു. തിരഞ്ഞെടുപ്പില്‍ നവീനാശയങ്ങള്‍ നടപ്പാക്കുന്നതിനുള്ള ചീഫ് ഇലക്ഷന്‍ ഓഫീസറുടെ പുരസ്‌കാരം 2025ല്‍ ജില്ലാ കളക്ടര്‍ക്കു ലഭിച്ചിരുന്നു.