Author: WEB EDITOR

കാഞ്ഞങ്ങാട്: ജില്ലാ ആശുപത്രി ബ്ലഡ് ബാങ്ക് ആശുപത്രിയുടെ ഗ്രൗണ്ട് ഫ്‌ളോറിലാക്കണമെന്നു രക്തദാതാക്കള്‍ ആവശ്യപ്പെട്ടു.ബ്ലഡ് ബാങ്ക് ആശുപത്രിയുടെ മുകള്‍ നിലയില്‍ പ്രവര്‍ത്തിക്കുന്നതു കൊണ്ടു രക്തം ദാനം ചെയ്യാനെത്തുന്നവര്‍ പടികള്‍ കയറാന്‍ പ്രയാസപ്പെടുന്നു. ഇതു രക്തദാനത്തിനു തടസ്സമാവുന്നു. അടിയന്തിര ഘട്ടങ്ങളില്‍ രക്തം നല്‍കാനും സ്വീകരിക്കാനും കഴിയാതെ ആളുകള്‍ വിഷമിക്കുകയും ചെയ്യുകയാണെന്നു തൈക്കടപ്പുറം ഗ്രീന്‍ ആര്‍മി ബ്ലഡ് സേവേഴ്‌സ് കൂട്ടായ്മ ചൂണ്ടിക്കാട്ടി. ബ്ലഡ് ബാങ്കിലേക്കു ലിഫ്ട് സംവിധാനം ഏര്‍പ്പെടുക്കണമെന്നു ആവശ്യമുന്നയിച്ചു. അബ്ദുല്ല ഒ.ടി, നൗഷാദ് എന്‍.പി, ജസീര്‍ പ്രസംഗിച്ചു.

കുമ്പള: പൂഴികടത്തിനുപയോഗിക്കുന്ന ടിപ്പറുകളുടെ ആര്‍സി ഓണര്‍മാരെ അറസ്റ്റു ചെയ്യുന്നതിനു പൊലീസ് നീക്കമാരംഭിച്ചു. വെള്ളിയാഴ്ച പുലര്‍ച്ചെ കുമ്പള, മൊഗ്രാല്‍ അണ്ടര്‍പാസുകളില്‍ വച്ചു മണല്‍ കടത്തുകയായിരുന്ന രണ്ടു ടിപ്പറുകള്‍ ജീപ്പ് കുറുകെയിട്ടു പൊലീസ് പിടികൂടിയെങ്കിലും ഡ്രൈവര്‍മാര്‍ ഓടി രക്ഷപ്പെടുകയായിരുന്നു. ഇതിനെത്തുടര്‍ന്നാണ് ലോറി ഉടമകളെ കേസില്‍ പ്രതി ചേര്‍ക്കാനും അറസ്റ്റ് ചെയ്യാനും എസ്‌ഐ കെ. ശ്രീജേഷിന്റെ നേതൃത്വത്തില്‍ നീക്കമാരംഭിച്ചിട്ടുള്ളത്. പുഴയില്‍ നിന്നു മണല്‍ തോണികള്‍ പിടിച്ചാലും കടവുകളിലും റോഡുകളില്‍ നിന്നും മണല്‍ ലോറികള്‍ പിടികൂടിയാലും അതുമായി ബന്ധപ്പെട്ടവരെ പിടികൂടാന്‍ കഴിയാത്തത് പൊലീസിനെതിരെ …

Read more “പൂഴികടത്ത്; മാഫിയാ സംഘം രക്ഷപ്പെട്ടാല്‍ കേസും നടപടികളും മണല്‍ കടത്തു ലോറി ഉടമകള്‍ക്കെതിരെ: പൊലീസ്”

കാസര്‍കോട്: കുമ്പള ടൗണില്‍ കര്‍ണ്ണാടക കെഎസ്ആര്‍ടിസി ബസും സ്വകാര്യ ബസും ഉരസി. അപകടത്തെ ചൊല്ലി തര്‍ക്കം ഉണ്ടായതോടെ കുമ്പള പൊലീസെത്തി ഇരു ബസുകളെയും കസ്റ്റഡിയിലെടുത്തു.വെള്ളിയാഴ്ച രാവിലെ ഒന്‍പതര മണിയോടെയാണ് സംഭവം. കണ്ണൂരില്‍ നിന്നു മംഗ്‌ളൂരുവിലേക്ക് പോവുകയായിരുന്നു സ്വകാര്യ ബസ്. കുമ്പള ടൗണില്‍ നിര്‍ത്തി ആള്‍ക്കാരെ കയറ്റുന്നതിനിടയില്‍ പിന്നില്‍ നിന്നും എത്തിയ കെഎസ്ആര്‍ടിസി ബസ് മറികടക്കുന്നതിനിടയില്‍ സ്വകാര്യ ബസിന്റെ മുന്‍ഭാഗത്ത് ഉരസുകയായിരുന്നുവെന്നു പറയുന്നു. ഇതേ ചൊല്ലി തര്‍ക്കം ഉണ്ടായതിനെ തുടര്‍ന്നാണ് പൊലീസെത്തി ബസുകള്‍ കസ്റ്റഡിയിലെടുത്തത്.