നിര്മ്മാണ തൊഴിലാളി ക്ഷേമനിധി ബോര്ഡ് സര്ക്കാര് സംരക്ഷിക്കണം: കണ്സ്ട്രക്ഷന് വര്ക്കേഴ്സ് ഫെഡറേഷൻ
കാസര്കോട്: കേരളത്തില് ആകര്ഷകരമായതും തൊഴിലാളികളുടെയും കുടുംബത്തിന്റെയും സാമൂഹ്യസുരക്ഷ ഉറപ്പ് വരുത്തുന്നതിനു വേണ്ടി നിലവില് വന്നതുമായ നിര്മ്മാണ തൊഴിലാളി ക്ഷേമനിധി ബോര്ഡിനെ സര്ക്കാര് സംരക്ഷിച്ച് നിലനിര്ത്തണമെന്ന് കാസര്കോട് ജില്ലാ കണ്സ്ട്രക്ഷന് വര്ക്കേഴ്സ് ഫെഡറേഷന്(എഐടിയുസി) സമ്മേളനം ആവശ്യപ്പെട്ടു. 16 മാസമായി പെന്ഷന് നൽകുന്നില്ല. ഒരു വര്ഷത്തെ ആനുകൂല്യആപേക്ഷകളിൽ തീരുമാനമുണ്ടായിട്ടില്ല. മുഖ്യമന്ത്രിയുടെ കേരളപ്പിറവി ദിനത്തിലെ പ്രസംഗത്തില് ഈ പെന്ഷന് കൊടുത്തു തീര്ക്കാന് 950 കോടി കണ്ടെത്തുമെന്ന പ്രഖ്യാപനം തൊഴിലാളികൾക്ക് വലിയ പ്രതീക്ഷ നൽകിയിരുന്നു-സമ്മേളനം ചൂണ്ടിക്കാട്ടി.ഫണ്ട് കണ്ടെത്തി പെന്ഷന് കുടിശ്ശികയും ആനുകൂല്യങ്ങളും വിതരണം …
