തിരുവനന്തപുരത്തും അമീബിക്ക് മസ്തിഷ്ക ജ്വരമെന്ന് സംശയം; ഒരാഴ്ച മുമ്പ് മരണപ്പെട്ട യുവാവിന് രോഗം ബാധിച്ചതായി സംശയം; സമാന ലക്ഷണങ്ങളോടെ ആറു പേർ കൂടി ആശുപത്രിയിൽ
തിരുവനന്തപുരം: തിരുവനന്തപുരത്തും അമീബിക്ക് മസ്തിഷ്ക ജ്വരമെന്ന് സംശയം. കഴിഞ്ഞ മാസം 23ന് മെഡിക്കൽ കോളേജ് ആശുപത്രിയിൽ മരിച്ച യുവാവിന് അമീബിക്ക് മസ്തിഷ്ക ജ്വരമെന്നാണ് സംശയിക്കുന്നത്. അതിനിടെ സമാന രോഗലക്ഷണങ്ങളോടെ ആറുപേർ ആശുപത്രിയിൽ ഉണ്ട്. നെയ്യാറ്റിൻകര നെല്ലിമൂട് സ്വദേശി അഖിലാണ് മരണപ്പെട്ടത്. ലക്ഷണങ്ങളോടെ എത്തിയ ആളുകളുടെ സാമ്പിൾ തിങ്കളാഴ്ച പരിശോധനയ്ക്ക് അയക്കും. ഇവർ കുളിച്ച കുളം ആരോഗ്യവകുപ്പ് അടച്ചു. ചികിത്സയിൽ ഉള്ള ഒരു യുവാവിന്റെ പ്രാഥമിക ഫലം പോസിറ്റീവാണ്. കഠിനമായ പനിയും തലവേദനയും അനുഭവപ്പെട്ടതിനെ തുടർന്നാണ് ജൂലായ് …