കൊല്ലംപാറയില് സ്കൂട്ടര് ഇടിച്ച് ലോട്ടറി വില്പനക്കാരിക്ക് ഗുരുതര പരിക്ക്, സ്കൂട്ടര് യാത്രക്കാര്ക്കും പരിക്ക്
കാസര്കോട്: സ്കൂട്ടര് അപകടത്തില് ലോട്ടറി വില്പ്പനക്കാരി ഉള്പ്പെടെ മൂന്നുപേര്ക്ക് പരിക്കേറ്റു. ശനിയാഴ്ച രാവിലെ കൊല്ലംപാറയിലായിരുന്നു അപകടം. റോഡ് മുറിച്ച് കടക്കുകയായിരുന്നു ലോട്ടറി വില്പ്പനക്കാരി കരിന്തളം തോളേനിയിലെ രമണി (50), സ്കൂട്ടര് യാത്രക്കാരായ കരിന്തളത്തെ റിട്ട. മിലിട്ടറി ഉദ്യോഗസ്ഥന് നാരായണന്, ചിമ്മത്തോടെ റിട്ട. പോസ്റ്റുമാന് കുഞ്ഞിക്കണ്ണന് എന്നിവര്ക്കാണ് പരിക്കേറ്റത്. ഇടിയുടെ ആഘാതത്തില് രമണി തൊട്ടടുത്ത വോളിബോള് ഗ്രൗണ്ടിലേക്ക് തെറിച്ചു വീണു. പരിക്ക് ഗുരുതരമായതിനാല് രമണിയെ മംഗളൂരുവിലെ ആശുപത്രിയിലും, നാരായണനെയും കുഞ്ഞിക്കണ്ണനെയും കാഞ്ഞങ്ങാട്ടെ സ്വകാര്യ ആശുപത്രിയിലും പ്രവേശിപ്പിച്ചു.
