കണ്ണൂര്: കോട്ടയത്ത് നഴ്സിംഗ് വിദ്യാര്ത്ഥികളെ സീനിയര് വിദ്യാര്ത്ഥികള് ക്രൂരമായി റാഗിംഗിനിരയാക്കിയ സംഭവം പൊതു സമൂഹത്തില് വലിയ ചര്ച്ചയായതിനു പിന്നാലെ കണ്ണൂരില് പ്ലസ് വണ് വിദ്യാര്ത്ഥിയെ മര്ദ്ദിച്ച് കയ്യെല്ല് പൊട്ടിച്ചു. കൊളവല്ലൂര് പിആര് മെമ്മോറിയല് ഹയര്സെക്കണ്ടറി സ്കൂളിലെ പ്ലസ് വണ് വിദ്യാര്ത്ഥിയാണ് ക്രൂരമായ പീഡനത്തിനു ഇരയായത്. വിദ്യാര്ത്ഥി തലശ്ശേരി സഹകരണാശുപത്രിയില് ചികിത്സയിലാണ്. കയ്യെല്ല് പൊട്ടിയതിനാല് ശസ്ത്രക്രിയക്ക് വിധേയനാക്കി. ബുധനാഴ്ചയാണ് സംഭവം. മര്ദ്ദിച്ചതിനു സീനിയര് വിദ്യാര്ത്ഥികളായ ഫസല്, നൗഫല്, നഹിയാന്, കണ്ടാലറിയാവുന്ന മറ്റു രണ്ടുപേര് എന്നിവര്ക്കെതിരെ കൊളവല്ലൂര് പൊലീസ് കേസെടുത്തു.
മുന് ബിഎസ്.എന്.എല് ജീവനക്കാരന് വാഴുന്നോറടിയിലെ കെ.നാരായണന് അന്തരിച്ചു
Thursday, 23 July 2026, 15:57
