പാലക്കാട്:പാലക്കാട് മണ്ണാർക്കാട് ഒരു ലക്ഷത്തോളം രൂപയുടെ കള്ളനോട്ടുകളുമായി 2 പേർ പിടിയില്. മലപ്പുറം പാണ്ടിക്കാട് സ്വദേശി റാഫേല് (47), മലപ്പുറം പൂരൂർ സ്വദേശി ഫൈസല് (41) എന്നിവരെയാണ് കള്ളനോട്ടുകളുമായി മണ്ണാർക്കാട് പോലീസ് പിടികൂടിയത്.കുമരംപുത്തൂർ കല്ലടി ഹയർസെക്കൻഡറി സ്കൂളിന് സമീപത്തു വച്ചാണ് 91000 രൂപയുടെ കള്ളനോട്ടുകളുമായി പ്രതികള് പിടിയിലാകുന്നത്. സംസ്ഥാനത്തെ കള്ളനോട്ട് മാഫിയയിലെ പ്രധാന കണ്ണികളെയാണ് അറസ്റ്റ് ചെയ്തതെന്ന് മണ്ണാർക്കാട് പൊലീസ് അറിയിച്ചു.പ്രതികൾ നോട്ട് പ്രിൻ്റ് ചെയ്തത് എവിടെ നിന്നാണെന്നതടക്കമുള്ള വിവരങ്ങൾ അന്വേഷിച്ചു വരികയാണെന്നും പൊലീസ് വ്യക്തമാക്കി.