തിരുവനന്തപുരം:പ്രശസ്ത സീരിയല് അഭിനേതാവ് കാര്ത്തിക് പ്രസാദിന് വാഹനാപകടത്തില് പരിക്ക്. സീരിയല് ഷൂട്ട് കഴിഞ്ഞ് കാല്നടയായി മടങ്ങവെ കെഎസ്ആർടിസി ബസ് പിന്നില് ഇടിക്കുകയായിരുന്നു.തിങ്കളാഴ്ച വൈകിട്ട് ആയിരുന്നു അപകടം. സംഭവസ്ഥലത്ത് അബോധാവസ്ഥയിലായ നടനെ നാട്ടുകാർ ചേർന്നാണ് ആശുപത്രിയില് എത്തിച്ചത്.
തലയ്ക്കും കാലിനും പൊട്ടലുണ്ടായതിനെ തുടർന്ന് തിരുവനന്തപുരത്തെ സ്വകാര്യ ആശുപത്രിയില് രണ്ട് ശസ്ത്രക്രിയകള് നടത്തി. മുഖത്ത് ചെറിയ പരിക്കുകളുള്ളതിനാല് പ്ലാസ്റ്റിക് സർജറിയും നടത്തി. തുടർ ചികിത്സയും ശസ്ത്രക്രിയയും കോഴിക്കോട്ടെ സ്വകാര്യആശുപത്രിയില് നടത്തും. മൗനരാഗം എന്ന സീരിയലിലൂടെയാണ് കാർത്തിക് പ്രശസ്തനാകുന്നത്.
ബൈജു എന്ന തമാശക്കാരനായ കഥാപാത്രത്തെയാണ് മൗനരാഗത്തിൽ കാർത്തിക് പ്രസാദ് അവതരിപ്പിക്കുന്നത്. കോഴിക്കോട് കുതിരവട്ടം ഗോവിന്ദപുരം സ്വദേശിയായ കാര്ത്തിക് ഇരുപതോളം വര്ഷങ്ങളായി സിനിമ, സീരിയല് രംഗത്തുണ്ട്.