മംഗ്ളൂരു: മുട്ട ലോഡാണെന്നു തെറ്റിദ്ധരിപ്പിച്ച് ബെലഗാവി, യമകരടിയില് നിന്നു കാസര്കോട്ടേക്ക് കന്നുകാലികളെ കടത്താന് ശ്രമിച്ച ആൾ അറസ്റ്റില്. മൈസൂരു സ്വദേശിയായ മുഹമ്മദ് റഫീഖ് (52) എന്നയാളെയാണ് കങ്കനാടി പൊലീസ് അറസ്റ്റു ചെയ്തത്. രഹസ്യ വിവരം ലഭിച്ചതിനെ തുടര്ന്ന് പമ്പ് വെല്, ഉജ്ജോഡിക്ക് സമീപത്ത് വച്ച് ലോറി തടഞ്ഞു നിര്ത്തി പരിശോധിച്ചപ്പോഴാണ് കന്നുകാലി കടത്ത് കണ്ടെത്തിയത്. കന്നുകാലികളെ കയറ്റിയ ശേഷം വാഹനത്തിന്റെ പിന്ഭാഗത്ത് മുട്ട ട്രേകള് അടുക്കിവച്ച ശേഷമാണ് കന്നുകാലികളെ കടത്തിയത്. കന്നുകാലികളെ ഫാജിറിലെ ഒരു ഗോശാലയിലേയ്ക്കു മാറ്റി.








