കാസര്കോട്: വീടിന്റെ കോണ്ക്രീറ്റിന് പലക അടിക്കുന്ന ജോലിക്കിടയില് തൊഴിലാളി താഴേയ്ക്കു വീണു മരിച്ചു. കുമ്പള, കിദൂര്, പദേക്കല്ലിലെ പരേതനായ ബാബു പൂജാരിയുടെ മകന് സുരേഷ് (49) ആണ് മരിച്ചത്. ഇന്നലെ (തിങ്കള്) വൈകുന്നേരം മഞ്ചേശ്വരം, മജിബയല്, കുത്വെയിലാണ് അപകടം. ജോലിക്കിടയില് കാല് വഴുതി താഴേയ്ക്കു വീണു ഗുരുതരമായി പരിക്കേറ്റ സുരേഷിനെ ആശുപത്രിയില് എത്തിച്ചുവെങ്കിലും രക്ഷിക്കാനായില്ല. അപകടം സംബന്ധിച്ച് മഞ്ചേശ്വരം പൊലീസ് കേസെടുത്തു. മാതാവ്: ഗിരിജ. ഭാര്യ: ദിവ്യ. മകള്: ആരുഷി. സഹോദരങ്ങള്: മഹാലിംഗ, അശോക, ശാരദ, നാരായണ, കൃഷ്ണ.







