തളിപ്പറമ്പ്: നടന്‍ ദിലീപും ഭാര്യയും നടിയുമായ കാവ്യാ മാധവനും തളിപ്പറമ്പ് രാജരാജേശ്വര ക്ഷേത്രത്തില്‍ ദര്‍ശനം നടത്തി. തിങ്കളാഴ്ച രാവിലെയാണ് ഇരുവരും ക്ഷേത്രത്തിലെത്തി പ്രാര്‍ത്ഥന നടത്തിയത്. ക്ഷേത്രത്തിലെത്തിയ ഇരുവരെയും ഭാരവാഹികളും ഭക്തജനങ്ങളും ചേര്‍ന്ന് സ്വീകരിച്ചു. പ്രത്യേക വഴിപാടുകളും ചടങ്ങുകളും പൂര്‍ത്തിയാക്കിയ ശേഷമാണ് മടങ്ങിയത്.
ദിലീപ് പലപ്പോഴും ഒറ്റയ്ക്ക് ഈ ക്ഷേത്രത്തില്‍ ദര്‍ശനം നടത്താറുണ്ട്. 2019 ഡിസംബറില്‍ അദ്ദേഹം ക്ഷേത്രത്തിലെത്തി പൊന്നിന്‍കുടവും നെയ് വിളക്കും വഴിപാടായി സമര്‍പ്പിച്ചിരുന്നു. അന്ന് തന്റെ പേരിലും ഭാര്യ കാവ്യയുടെയും മകള്‍ മീനാക്ഷിയുടെയും പേരിലും പ്രത്യേക പൂജകള്‍ നടത്തിയാണ് അദ്ദേഹം മടങ്ങിയത്.
