കുറ്റിക്കോല്‍, പടുപ്പില്‍ യുവാവിനെ തല്ലിചതച്ചു; മർദ്ദനം രാഷ്ട്രീയപരമായ മുന്‍വൈരാഗ്യം കാരണമെന്ന് മൊഴി, മൂന്നു പേര്‍ക്കെതിരെ കേസ്

കാസര്‍കോട്: കുറ്റിക്കോല്‍, പടുപ്പില്‍ യുവാവിനെ മാരകായുധമായ വടി കൊണ്ട് ഗുരുതരമായി അടിച്ചു പരിക്കേല്‍പ്പിച്ചതായി പരാതി. കരിവേടകം, ശങ്കരംപാടിയിലെ കൊറക്കോല്‍ ഹൗസിലെ പി. അബ്ദുല്‍ ലത്തീഫ് (48) ആണ് അക്രമത്തിന് ഇരയായത്. സാരമായി പരിക്കേറ്റ ഇയാളെ പരിയാരം മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. സംഭവത്തില്‍ വിജേഷ്, വിപിന്‍, ഷിനോജ് എന്നിവര്‍ക്കെതിരെ ബേഡകം പൊലീസ് കേസെടുത്തു.
വ്യാഴാഴ്ച രാത്രി ഏഴുമണിക്ക് പടുപ്പിലാണ് കേസിനാസ്പദമായ സംഭവം. പരിചയക്കാരനായ മുബാഷിന്റെ കടയുടെ സമീപത്ത് ഇരിക്കുകയായിരുന്ന തന്നെ വിജേഷ് വടികൊണ്ട് അടിക്കുകയും മറ്റു രണ്ട് പേര്‍ മുഖത്തടിക്കുകയായിരുന്നുവെന്നും അബ്ദുല്‍ ലത്തീഫ് പൊലീസിനു നല്‍കിയ മൊഴിയില്‍ പറഞ്ഞു.

Subscribe
Notify of
guest
0 Comments
Oldest
Newest Most Voted
RELATED NEWS
ട്രെയിനുകള്‍ക്ക് നേരെ കല്ലേറ്, ട്രാക്കില്‍ കല്ലുകള്‍ സ്ഥാപിക്കല്‍; ശ്രദ്ധയില്‍പ്പെട്ടാല്‍ ഉടന്‍ റെയില്‍വേ അധികൃതരെ അറിയിക്കണമെന്നു ആര്‍പിഎഫ്, ബോധവല്‍ക്കരണ ക്ലാസ് സംഘടിപ്പിച്ചു
Scroll to top

You cannot copy content of this page