കാസര്‍കോട്: വീട്ടിലേയ്ക്കുള്ള സര്‍വ്വീസ് വയറില്‍ നിന്നു നേരിട്ട് വൈദ്യുതി മോഷ്ടിച്ചുവെന്ന പരാതിയില്‍ ആദൂര്‍ പൊലീസ് കേസെടുത്തു. കെ എസ് ഇ ബി ചെർക്കള സെക്ഷനിലെ അസി. എക്‌സിക്യൂട്ടീവ് എഞ്ചിനീയറുടെ പരാതിയില്‍ ബോവിക്കാനം, ഫിഷ് മാര്‍ക്കറ്റിനു സമീപത്തെ ബി. അബ്ദുല്‍ ഹമീദിനെതിരെയാണ് ആദൂര്‍ പൊലീസ് കേസെടുത്തത്. 2024 ജനുവരി ഒന്നു മുതല്‍ 2026 ഒക്ടോബര്‍ 22 വരെയുള്ള കാലയളവിലാണ് വൈദ്യുതി മോഷണം നടന്നതെന്നു എഞ്ചിനീയര്‍ നല്‍കിയ പരാതിയില്‍ പറയുന്നു. ഇതുവഴി കെ എസ് ബി ക്ക് 22242.06 രൂപയുടെ നഷ്ടം ഉണ്ടായതായി കൂട്ടിച്ചേര്‍ത്തു.