കാസര്‍കോട്: സംഗീത നാടക അക്കാദമി പുരസ്കാര ജേതാവും നാടക സംവിധായകനുമായ
നീലേശ്വരം പടിഞ്ഞാറ്റം കൊഴുവലിലെ വി ശശി നീലേശ്വരം അന്തരിച്ചു. 80 വയസായിരുന്നു. അസുഖത്തെ തുടര്‍ന്ന് ചെറുകുന്നിലെ ആശുപത്രിയില്‍ ചികിത്സയിലിരിക്കെ വെള്ളിയാഴ്ച രാവിലെയാണ് അന്ത്യം സംഭവിച്ചത്. നീലേശ്വരത്ത് പൊതുദര്‍ശനത്തിന് വക്കും. സംസ്‌കാരം വൈകീട്ട് കണ്ണൂര്‍ കക്കാട്ട് നടക്കും. റനാടക മേഖലയ്ക്ക് നല്‍കിയ മികച്ച സംഭാവനകള്‍ പരിഗണിച്ച് 2023-ലെ കേരള സംഗീത നാടക അക്കാദമി പുരസ്‌കാരം ലഭിച്ചിട്ടുണ്ട്. നാടകപ്രവര്‍ത്തകന്‍ എ. ശാന്തകുമാറിന്റെ സ്മരണാര്‍ത്ഥമുള്ള എ. ശാന്തകുമാര്‍ നാടക പുരസ്‌കാരം, ആക്റ്റ് നീലേശ്വരത്തിന്റെ സമഗ്ര സംഭാവനയ്ക്കുള്ള പുരസ്‌കാരം എന്നിവ നേടിയിരുന്നു. മാറ്റി വെച്ച തലകള്‍, മരമീടന്‍, പാക്കനാര്‍ സൂക്തം, ബൊളിവിയ, ശ്വാസം, പെണ്‍വിളക്ക്, മാനസാന്തരത്തിന്റെ ബാക്കിപത്രം, കൂകി പായും തീവണ്ടി, ഹൃദയത്തിലേക്കൊരു ചക്രം തുടങ്ങി നിരവധി പ്രമുഖങ്ങളായ നാടകങ്ങള്‍ സംവിധാനം ചെയ്തിട്ടുണ്ട്. റവന്യൂ വകുപ്പില്‍ തഹസില്‍ദാറായി ജോലിചെയ്തിരുന്നു. മുന്‍ പ്രധാനാധ്യാപിക മോത്തിറാണിയാണ് ഭാര്യ. ശാന്തി, ഉണ്ണികൃഷ്ണന്‍ എന്നിവര്‍ മക്കളാണ്.
അസുഖത്തില് മനം നൊന്ത് വയോധിക കൈഞരമ്പ് മുറിച്ച് ജീവനൊടുക്കി
Saturday, 24 October 2026, 11:14
