മുംബൈ: മൊബൈല്‍ ഫോണുമായി പരീക്ഷാ ഹാളില്‍ പ്രവേശിച്ചതിന് പിടിയിലായ വിദ്യാര്‍ത്ഥി മരിച്ച നിലയില്‍. ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് ടെക്‌നോളജി ബോംബെയിലെ എനര്‍ജി സയന്‍സ് ആന്‍ഡ് എന്‍ജിനീയറിംഗ് വിഭാഗത്തിലെ രണ്ടാം വര്‍ഷ വിദ്യാര്‍ത്ഥിയായ സാഹില്‍ വക്കോഡാണ് മരിച്ചത്. വെള്ളിയാഴ്ചയാണ് സംഭവം. ചാറ്റ് ജിപിടി ഉപയോഗിച്ച് ഉത്തരങ്ങള്‍ കണ്ടെത്താനാണ് വിദ്യാര്‍ത്ഥി പരീക്ഷാ ഹാളിലേക്ക് ഫോണ്‍ കൊണ്ടുവന്നത്. അതേസമയം, പരീക്ഷാ ക്രമക്കേടിന്റെ പേരില്‍ വിദ്യാര്‍ത്ഥിക്കെതിരെ ശിക്ഷാനടപടികളൊന്നും സ്വീകരിച്ചിരുന്നില്ലെന്ന് ഐഐടി അധികൃതര്‍ വ്യക്തമാക്കുന്നു. സംഭവത്തിന് ശേഷം വിദ്യാര്‍ത്ഥിക്ക് കൗണ്‍സലിംഗ് നല്‍കുകയും വകുപ്പ് മേധാവി നേരിട്ട് സംസാരിക്കുകയും ചെയ്തിരുന്നു. ഇതിന്റെ പേരില്‍ നടപടിയൊന്നും ഉണ്ടാകില്ലെന്ന് വിദ്യാര്‍ത്ഥിയെ ബോധ്യപ്പെടുത്തിയിരുന്നതായും അധികൃതര്‍ പറഞ്ഞു. എന്നാല്‍ പിന്നീട് ഹോസ്റ്റലിലേക്ക് മടങ്ങിയ വിദ്യാര്‍ത്ഥിയെ വൈകുന്നേരത്തോടെ മരിച്ച നിലയില്‍ കണ്ടെത്തുകയായിരുന്നു.
സംഭവത്തില്‍ ക്യാംപസില്‍ വിദ്യാര്‍ത്ഥികള്‍ പ്രതിഷേധം ശക്തമാക്കിയിട്ടുണ്ട്. സാഹിലിനെ ക്യാംപസില്‍ നിന്ന് സസ്‌പെന്‍ഡ് ചെയ്യുമെന്ന് അധികൃതര്‍ ഭീഷണിപ്പെടുത്തിയിരുന്നതായി സഹവിദ്യാര്‍ത്ഥികള്‍ ആരോപിക്കുന്നു. കഴിഞ്ഞ ആറ് മാസത്തിനിടെ ഐഐടി ബോംബെ ക്യാംപസില്‍ നടക്കുന്ന മൂന്നാമത്തെ വിദ്യാര്‍ത്ഥി മരണമാണിത്. പ്രതിഷേധം കണക്കിലെടുത്ത് ക്യാമ്പസ് പരിസരത്ത് പൊലീസിനെ വിന്യസിച്ചിട്ടുണ്ട്
മുളിയാറിലെ റവന്യൂ ഭൂമി കൈയേറാൻ ഭൂമാഫിയകൾക്ക് ഒത്താശ ചെയ്ത ജീവനക്കാരനെതിരെ നിയമനടപടി വേണം : ജോളി ഫ്രണ്ട്സ് ക്ലബ്
Saturday, 14 November 2026, 15:04
