കാസർകോട്: നഗരത്തിന് സമീപത്തെ കടയിൽ കവർച്ച. വ്യാഴാഴ്ച രാവിലെ നുള്ളിപ്പാടിയിലെ സൽമാൻ ഹൗസ് ഓഫ് ബിൽഡിങ്ങ് മെറ്റിരിയൽസിലാണ് കവർച്ച നടന്നത്. കടയിൽ കയറിയ മോഷ്ടാക്കൾ 150 ലൈറ്റുകളും നാല് ഫാനുകൾ അടക്കം ഒന്നര ലക്ഷം രൂപയുടെ സാധനങ്ങൾ കവർച്ച ചെയ്‌തു. നാല് കിലോ തൂക്കം വരുന്ന ഇലക്ട്രിക് കേബിളുകൾ, ഇരുമ്പ് പൈപ്പുകളും ഡാമേജ് ലൈറ്റുകളും മോഷണം പോയിട്ടുണ്ട്. വ്യാഴാഴ്ച രാവിലെ കട തുറന്നപ്പോഴാണ് മോഷണ വിവരം അറിയുന്നത്.
സ്ഥാപനത്തിൻ്റെ സൂപ്പർവൈസർ നായന്മാർമൂലയിലെ അബ്ബാസ് മുഹമ്മദിന്റെ പരാതിയിൽ കാസർകോട് ടൗൺ പൊലീസ് കേസെടുത്ത് അന്വേഷണം ആരംഭിച്ചു.