കൊല്ലം: മദ്യപാനത്തിനിടയില് ഉണ്ടായ വാക്കു തര്ക്കത്തിനിടയില് യുവാവിനെ അയല്വാസി കോടാലികൊണ്ട് വെട്ടിക്കൊന്നു. കൊല്ലം, കൊട്ടാരക്കര, മൂഴിക്കോടില് ഇന്നലെ (ബുധന്) രാത്രി 11.30 മണിയോടെയാണ് സംഭവം. നെല്ലിവിള ഭാഗം സ്വദേശി ആദര്ശ് (30) ആണ് കൊല്ലപ്പെട്ടത്. സംഭവത്തില് അയല്വാസിയായ സുനില് കുമാറി (41)നെ പൊലീസ് അറസ്റ്റു ചെയ്തു.
സുനില് കുമാറിന്റെ വീട്ടിലാണ് കൊല നടന്നത്. സുനിലിന്റെ വീട്ടിലിരുന്ന് മദ്യപിക്കുകയായിരുന്നു ഇരുവരും. ഇതിനിടയില് മറ്റൊരു സ്ഥലത്ത് നിന്നുമെത്തി നെല്ലുവിള ഭാഗത്ത് താമസത്തിനെത്തിയ സുനില് കുമാറിനെ ആദര്ശ് ‘വരത്തന്’ എന്നു വിളിച്ചതാണ് പ്രകോപനത്തിന് കാരണമായതെന്നു പൊലീസ് പറഞ്ഞു. കൊലപാതകം നടന്ന് മണിക്കൂറുകള് കഴിഞ്ഞ് സുനില് കുമാര് തന്നെയാണ് ആദര്ശിനെ കൊലപ്പെടുത്തിയ കാര്യം പൊലീസിനെ ഫോണ് ചെയ്ത് അറിയിച്ചത്. പ്രതിയെ പുത്തൂര് പൊലീസ് അറസ്റ്റു ചെയ്തു.
ബങ്കരക്കുന്നില് സ്കൂള് ബസ് നിയന്ത്രണം വിട്ട് റോഡരികിലെ കുഴിയിലേക്ക് മറിഞ്ഞു; വിദ്യാര്ഥികള് അല്ഭുതകരമായി രക്ഷപ്പെട്ടു
Thursday, 13 August 2026, 12:24
