കാസർകോട്: ചീമേനി തുറന്ന ജയിലിൽ നിന്നും മൊബൈൽ ഫോണും രണ്ട് സിം കാർഡുകളും പിടികൂടി. ജയിൽ സൂപ്രണ്ട് അൻസാറിന്റെ പരാതിയിൽ ചീമേനി പൊലീസ് കേസെടുത്ത് അന്വേഷണം ആരംഭിച്ചു. ഒരു അന്തേവാസി ഫോൺ ഉപയോഗിക്കുന്നു എന്ന വിവരത്തെ തുടർന്ന് ചൊവ്വാഴ്ച വൈകിട്ട് ചീമേനി ഓപ്പൺ പ്രിസൺ കറപ്ഷൻ ഹോമിലെ അസിസ്റ്റന്റ് സൂപ്രണ്ടിന്റെ നേതൃത്വത്തിൽ ഉദ്യോഗസ്ഥർ ബാരക്കിൽ പരിശോധന നടത്തുന്നതിനിടെയാണ് മൊബൈൽ ഫോൺ കണ്ടെത്തിയത്. ഊരിയിട്ട നിലയിൽ രണ്ട് സിം കാർഡുകളും കണ്ടെത്തി. ഫോൺ ഉപയോഗിച്ച അന്തേവാസിയെയും തിരിച്ചറിഞ്ഞിട്ടുണ്ട്. കഴിഞ്ഞ ജൂണിലും ജയിലിൽ നിന്ന് മൊബൈൽ പിടികൂടിയിരുന്നു.