ന്യൂഡല്ഹി: വികസിത് ഭാരത്-ഗ്യാരണ്ടി ഫോര് റോസ്ഗാര് ആന്ഡ് അജീവിക മിഷന് അഥവാ വിബിജി റാം ജി പദ്ധതി ഇന്ന് മുതല് പ്രാബല്യത്തില്. ഇതോടെ തൊഴിലുറപ്പ് വേതനം 401 രൂപയായി ഉയരും. പ്രവൃത്തി ദിനങ്ങള് നൂറായിരുന്നെങ്കില് പുതിയ പദ്ധതിയില് അത് 125 ആകും എന്നതാണ് മറ്റൊരു പ്രത്യേകത. തൊഴിലുറപ്പു പദ്ധതിയുടെ ജോലികള് പൂര്ത്തിയാക്കാന് ഇന്നു വരെയാണ് സംസ്ഥാന സര്ക്കാരുകള്ക്കും ജില്ലാ ഭരണകൂടങ്ങള്ക്കും സമയം അനുവദിച്ചിരിക്കുന്നത്. പുതിയ പദ്ധതിക്കു കീഴില് ചെയ്യാവുന്ന 318 പ്രവൃത്തികളുടെ കരടു പട്ടിക കേന്ദ്ര സര്ക്കാര് സംസ്ഥാനങ്ങള്ക്കു കൈമാറിയിട്ടുണ്ട്.
കായിക അധ്വാനം വേണ്ട പ്രവൃത്തികളാണ് പുതിയ പട്ടികയിലുള്ളത്. ജലസുരക്ഷ, ഗ്രാമീണ അടിസ്ഥാനസൗകര്യം, ജീവനോപാധി അടിസ്ഥാനസൗകര്യം, ദുരന്തനിവാരണം എന്നീ വിഭാഗങ്ങളിലാണ് പ്രവൃത്തികള്. കേന്ദ്ര ഗ്രാമവികസന മന്ത്രാലയം പുറപ്പെടുവിച്ച വിജ്ഞാപനം അനുസരിച്ച് വിവിധ സംസ്ഥാനങ്ങളിലെ ദിവസക്കൂലി 300 രൂപ മുതല് 409 രൂപ വരെയായി നിശ്ചയിച്ചിട്ടുണ്ട്. സിക്കിമിലെ ചില ഗ്രാമപഞ്ചായത്തുകളില് പ്രത്യേക നിരക്കായ 450 രൂപയും നിശ്ചയിച്ചു.
സ്വർണ വ്യാപാരിയെയും കുടുംബത്തെയും ആക്രമിച്ച് സ്വർണ്ണവും പണവും തട്ടിയ കേസ്; ഒരാൾ കൂടി അറസ്റ്റിൽ
Wednesday, 1 July 2026, 13:54
