പി പി ചെറിയാൻ
വാഷിംഗ്ടൺ: പ്രമുഖ ആർട്ടിഫിഷ്യൽ ഇന്റലിജൻസ് കമ്പനിയായ ആന്ത്രോപ്പിക്കിന് ഏർപ്പെടുത്തിയിരുന്ന കയറ്റുമതി വിലക്ക് ട്രംപ് ഭരണകൂടം ഭാഗികമായി നീക്കി. സൈബർ ആക്രമണ ഭീഷണികൾ മുൻനിർത്തി രണ്ടാഴ്ച മുൻപാണ് കമ്പനിയുടെ അത്യാധുനിക മോഡലുകൾക്ക് സർക്കാർ നിയന്ത്രണം ഏർപ്പെടുത്തിയത്.
പുതിയ ഉത്തരവോടെ കമ്പനിയുടെ ‘മിഥോസ് 5’ എന്ന പ്രമുഖ എ ഐ മോഡൽ തിരഞ്ഞെടുക്കപ്പെട്ട നൂറിലധികം കമ്പനികൾക്കും സർക്കാർ ഏജൻസികൾക്കും ലഭ്യമാകും. എന്നാൽ കമ്പനിയുടെ ‘ഫേബിൾ 5’ എന്ന മറ്റൊരു നൂതന മോഡലിന്റെ വിലക്ക് ഇപ്പോഴും തുടരുകയാണ്.
യുഎസ് എഐ വ്യവസായ മേഖലയിൽ ഈ നിയന്ത്രണങ്ങൾ വലിയ ആശങ്കയ്ക്ക് കാരണമായിരുന്നു. ചൈനീസ് എഐ സാങ്കേതികവിദ്യ അതിവേഗം വളരുന്ന സാഹചര്യത്തിൽ, ഇത്തരം സർക്കാർ ഇടപെടലുകൾ അമേരിക്കൻ കമ്പനികളുടെ ആഗോള മേധാവിത്വത്തെ ബാധിക്കുമെന്നാണ് വിലയിരുത്തൽ. സമാനമായ സൈബർ സുരക്ഷാ ആശങ്കകളെത്തുടർന്ന് പ്രമുഖ കമ്പനിയായ ഓപ്പൺഎഐയും തങ്ങളുടെ പുതിയ ‘ജി പി ടി -5.6’ മോഡലിന്റെ റിലീസ് പരിമിതപ്പെടുത്തിയിട്ടുണ്ട്.
