കൊച്ചി: മലയാള സിനിമയിലെ ക്ലാസിക്കുകളിലൊന്നാണ് കിരീടം. മോഹന്ലാല്-സിബി മലയില്-ലോഹിതദാസ് കൂട്ടുകെട്ടില് പിറന്ന ഈ ചിത്രം വീണ്ടും തീയേറ്ററുകളിൽ എത്തുന്നു. ഡോള്ബി അറ്റ്മോസ് 4 കെ ദൃശ്യ മികവോടെയാണ് കിരീടത്തിന്റെ റീ-റിലീസ്. അതിന് മുന്നോടിയായി ഇന്നലെ ട്രെയിലര് പുറത്തു വിട്ടിരിക്കുകയാണ് അണിയറ പ്രവര്ത്തകര്. കൃപ ഫിലിംസിന്റെ ബാനറില് എന് കൃഷ്ണകുമാറും ദിനേശ് പണിക്കരും ചേര്ന്നാണ് ചിത്രം നിര്മിച്ചത്. ഹൈസിന് ഗ്ലോബല് വെഞ്ചേഴ്സ് ആണ് ഇന്ത്യയില് ചിത്രം വിതരണത്തിന് എത്തിക്കുന്നത്. 1989 ല് ആണ് ചിത്രം റിലീസ് ചെയ്തത്. ഇതിലെ മോഹൻലാൽ ചെയ്ത സേതുമാധവൻ കഥാപാത്രത്തെ മലയാളികൾക്ക് മറക്കാനാകില്ല. ഇപ്പോഴിതാ, നീണ്ട 37 വര്ഷങ്ങള്ക്ക് ശേഷം കിരീടം വീണ്ടുമെത്തുകയാണ്. ഒരു കുടുംബത്തിന്റെ സ്വപ്നങ്ങളാകെ തകര്ത്ത്, ഒരു ചെറുപ്പക്കാരനെ കുറ്റവാളിയും ഗുണ്ടയുമാക്കി അയാളുടെ ശിരസില് ഉറച്ചുപോയ മുള്ക്കിരീടം ആണ് ലോഹിതദാസ് സിബി മലയില് കൂട്ടുകെട്ടിലൂടെ കിരീടം എന്ന മികച്ച ക്ലാസിക്കായി മാറിയത്. ചിത്രം വീണ്ടും സ്ക്രീനില് എത്തുമ്പോള് അകാലത്തില് പൊലിഞ്ഞ തിലകന്, മാമുക്കോയ, ഒടുവില് ഉണ്ണികൃഷ്ണന്, മുരളി, കൊച്ചിന് ഹനീഫ, തിക്കുറിശ്ശി, കവിയൂര് പൊന്നമ്മ, ഫിലോമിന, ശ്രീനാഥ്, മോഹന്രാജ് (കീരിക്കാടന് ജോസ്), കുണ്ടറ ജോണി, കനകലത തുടങ്ങിയവരെ ഒന്നുകൂടി കാണാന് സാധിക്കും.
