അഡൂർ: അഡൂർ ഗവ.ഹയർ സെക്കൻഡറി സ്കൂളിലെ വിദ്യാർത്ഥികൾക്കും ഇനി ടെന്നീസ് കളിക്കാം .കുട്ടികളുടെ കായിക മികവ് പ്രോത്സാഹിപ്പിക്കുന്നതിനു പൂർവ്വ വിദ്യാർത്ഥി സംഘടന യുടെ നേതൃത്വത്തിൽ കായിക ഉപകരണങ്ങൾ നൽകി. സ്കൂളിനായി ടേബിൾ ടെന്നീസ് ടേബിളും അനുബന്ധ കളി ഉപകരണങ്ങളുമാണ് സംഘടന കൈമാറിയത്.
സ്കൂളിൽ നടന്ന പ്രത്യേക അസംബ്ലിയിൽ ഓൾഡ് സ്റ്റുഡൻ്റ്സ് അസോസിയേഷൻ പ്രസിഡൻ്റ് ജെ. ഹരീഷൻ, സെക്രട്ടറി എ.എം. അബ്ദുൽ സലാം , ട്രഷറർ അഡൂർ ഷംസുദ്ദീൻ എന്നിവർ ചേർന്ന് ഉപകരണങ്ങൾ കൈമാറി. സ്കൂൾ ഹെഡ്മിസ്ട്രസ് മഞ്ജുള കുമാരി ടീച്ചറും സ്കൂൾ ലീഡർ എ.എസ്. ലാമിയയും ചേർന്ന് ഇവ ഏറ്റുവാങ്ങി.
വിദ്യാർത്ഥികളിൽ കായിക താല്പര്യം വളർത്തുന്നതിനും മികച്ച പരിശീലന സൗകര്യങ്ങൾ ഒരുക്കുന്നതിനുമായാണ് പൂർവ്വ വിദ്യാർത്ഥി കൂട്ടായ്മ ഇത്തരമൊരു ഉദ്യമത്തിന് മുന്നിട്ടിറങ്ങിയത്. ചടങ്ങിൽ പിടി എ പ്രസിഡൻ്റ് ബി വിഷ്ണുപാൽ, എസ്എംസി ചെയർമാൻ കെ എച്ച് ഷാഫി ഹാജി, ഒഎസ്എ ഭാരവാഹികളായ എ ഗംഗാധരൻ , എച്ച് കൃഷ്ണൻ, എ ചന്ദ്രശേഖരൻ, എം പി മൊയ്തീൻ കുഞ്ഞി, ടി കെ ദാമോദരൻ അധ്യാപകരായ കെ എം ലത്തീഫ്, ഡി കെ രതീഷ്, കെ സുധാമ, ബി രവി ,സ്കൂൾ സീനിയർ അസിസ്റ്റൻ്റ് ശോഭ പ്രസംഗിച്ചു.







