കാസർകോട്: എലിവിഷം കഴിച്ചതിനെ തുടർന്ന് ചികിത്സയിലായിരുന്ന കൈതക്കാട്ടെ കോളേജ് വിദ്യാർത്ഥിനി മരണത്തിന് കീഴടങ്ങി. ചെറുവത്തൂർ കൈതക്കാട് പയ്യങ്കി ബിസ്മില്ല റോഡിൽ താമസിക്കുന്ന അബ്ദു‌ൾ റഹ്മാൻ്റെ മകൾ മുബഷീറ(19)യാണ് മരിച്ചത്. ഈ മാസം രണ്ടിനു പെൺകുട്ടിയെ വീട്ടിൽ അവശനിലയിൽ കണ്ടെത്തുകയായിരുന്നു. മംഗളൂരുവിലെ ആശുപത്രിയിൽ ചികിത്സയിലിരിക്കെയാണ് മരണം. ചന്തേര പൊലീസ് ഇൻക്വസ്റ്റ് നടത്തി. കൈതക്കാട് അൽ വർദ വുമൺസ് കോളേജിലെ വിദ്യാർത്ഥിനിയാണ്. യു എം ഫാത്തിമയാണ് മാതാവ്. സഹോദരങ്ങൾ: ഫാഇസ, റാഷിദ, സൽമാൻ.