മംഗ്‌ളൂരു; മേല്‍ക്കൂരയില്‍ ഷീറ്റ് സ്ഥാപിക്കുന്നതിനിടയില്‍ കെട്ടിടത്തിന്റെ നാലാം നിലയില്‍ നിന്നു വീണ് യുവാവ് മരിച്ചു. മാര്‍പാഡി, പഡേമന സ്വദേശിയായ ശൗര്യ ആചാര്യ (20)യാണ് മരിച്ചത്. മൂടു ബിദ്രി കടേപ്പലയിലാണ് അപകടം.
പ്രീയൂണിവേഴ്‌സിറ്റി വിദ്യാര്‍ത്ഥിയാണ് ശൗര്യ. അവധിക്കാലത്ത് ജോലിക്കു പോകുന്നത് വഴി ലഭിക്കുന്ന വരുമാനം ഉപയോഗിച്ചാണ് പഠനത്തിനുള്ള പണം കണ്ടെത്തിയിരുന്നത്. ഇതിനിടയിലാണ് ശൗര്യയെ മരണം തട്ടിയെടുത്തത്. കടേപ്പല്ല ,ഗാന്ധി ‘നഗറിലെ ഒരു സ്വകാര്യ കെട്ടിടത്തിന്റെ മേല്‍ക്കൂരയില്‍ ഷീറ്റ് പാകുന്നതിനിടയില്‍ ബാലന്‍സ് തെറ്റി താഴേയ്ക്കു വീഴുകയായിരുന്നു. ഉടന്‍ ആശുപത്രിയില്‍ എത്തിച്ചുവെങ്കിലും ജീവന്‍ രക്ഷിക്കാന്‍ കഴിഞ്ഞില്ല.