തിരുവനന്തപുരം: സംസ്ഥാനത്ത് ജൂണ് ഒമ്പത് അര്ധരാത്രി മുതല് ട്രോളിങ് നിരോധനം ഏര്പ്പെടുത്തും. ജൂലൈ 31 വരെ 52 ദിവസത്തേക്കാണ് നിരോധനം. ഫിഷറീസ് മന്ത്രി അബ്ദുള് ഗഫൂര് വിളിച്ചു ചേര്ത്ത യോഗത്തിലാണ് ഇതുസംബന്ധിച്ച തീരുമാനം. പരമ്പരാഗത മോട്ടോര് ഘടിപ്പിച്ചിട്ടില്ലാത്ത മത്സ്യബന്ധന ബോട്ടുകളെ ട്രോളിങ് നിരോധനത്തില് നിന്ന് ഒഴിവാക്കിയിട്ടുണ്ട്. എല്ലാ തീരദേശ ജില്ലകളിലും 24 മണിക്കൂറും പ്രവര്ത്തിക്കുന്ന ഫിഷറീസ് കണ്ട്രോള് റൂമുകള് മെയ് 15 മുതല് പ്രവര്ത്തനം ആരംഭിച്ചിട്ടുണ്ട്.
കടലിലെ മത്സ്യങ്ങളുടെ പ്രജനനസമയമായതിനാലാണ് ഈ കാലയളവില് ട്രോളിങ് നിരോധനം ഏര്പ്പെടുത്തുന്നത്. ഈ സമയത്ത് മുട്ടയിടാറായ മത്സ്യങ്ങള് തീരങ്ങളില് കൂടുതലായി കാണപ്പെടാറുണ്ട്. ഈ അവസരത്തില് വന്തോതില് യന്ത്രവല്കൃത മത്സ്യബന്ധനം നടത്തിയാല് മുട്ടയിടാറായ മത്സ്യങ്ങള് കൂടുതലായി വലയില് കുടുങ്ങുകയും അടുത്ത തലമുറ മത്സ്യകുഞ്ഞുങ്ങള് ജനിക്കാതെ പോവുകയും ചെയ്യും.
ഇത് തുടര്ന്നാല് കാലക്രമേണ കടലിലെ മത്സ്യസമ്പത്ത് ഗണ്യമായി കുറയുകയും. ഈ സാഹചര്യം ഒഴിവാക്കാനും കടല് വിഭവങ്ങളുടെ സുസ്ഥിരത ഉറപ്പാക്കാനുമാണ് വര്ഷം തോറും ജൂണ്, ജൂലൈ മാസങ്ങളില് ട്രോളിങ് നിരോധനം ഏര്പ്പെടുത്തുന്നത്.
