ആലപ്പുഴ: വയോധികയെ കൊലപ്പെടുത്തിയശേഷം മൃതദേഹം കായലില് കെട്ടിത്താഴ്ത്തിയ സംഭവത്തില് അയല്വാസിയെ പൊലീസ് അറസ്റ്റുചെയ്തു. ആലപ്പുഴ കനകക്കുന്നിലെ തങ്കമ്മയുടെ കൊലപാതകത്തിലാണ് അയല്വാസി പ്രകാശന് പിടിയിലായത്. കുറ്റം സമ്മതിച്ച പ്രതി സ്വര്ണവും പണവും കൈക്കലാക്കാനാണ് കൊലപാതകം നടത്തിയതെന്ന് പൊലീസിനോട് സമ്മതിച്ചു.
തങ്കമ്മ വീട്ടില് തനിച്ചാണ് താമസിക്കുന്നത്. മകന് വിദേശത്താണ്. കഴിഞ്ഞ വ്യാഴാഴ്ച മുതലാണ് തങ്കമ്മയെ കാണാതായത്. തുടര്ന്ന് സമീപവാസികള് വിവാഹിതയായ മകളെ വിവരം അറിയിച്ചു. പിന്നാലെ മകള് പൊലീസ് സ്റ്റേഷനില് പരാതി നല്കുകയായിരുന്നു. പൊലീസ് അന്വേഷിക്കുന്നതിനിടെയാണ് തങ്കമ്മയുടെ മൃതദേഹം കനകക്കുന്നിലെ കായലില് കെട്ടിത്താഴ്ത്തിയ നിലയില് കണ്ടെത്തിയത്. പ്രകാശന് തങ്കമ്മയുടെ വീട്ടില് ജോലിക്കെത്താറുണ്ടെന്ന് പ്രദേശവാസികള് പൊലീസിനോട് പറഞ്ഞു.
