കാസര്കോട്: യുവതിയെ മോശമായി ചിത്രീകരിക്കുന്ന ശബ്ദ സന്ദേശം പ്രചരിപ്പിച്ച് മാനഹാനി വരുത്തിയതായി പരാതി. മഞ്ചേശ്വരം പൊലീസ് സ്റ്റേഷന് പരിധിയിലെ ഭര്തൃമതി നല്കിയ പരാതി പ്രകാരം പൊലീസ് കേസെടുത്തു. കൊടല മുഗറു സ്വദേശിയായ സുധാകര എന്നയാള്ക്കെതിരെയാണ് കേസ്. 2026 ജനുവരി മാസം മുതല് സുധാകര പരാതിക്കാരിയുടെ അന്തസ്സിന് ഹാനി വരുത്തണമെന്ന ഉദ്ദേശത്തോടെ ശബ്ദ സന്ദേശങ്ങള് സോഷ്യല് മീഡിയകളിലൂടെ പ്രചരിപ്പിക്കുകയായിരുന്നുവെന്നു പറയുന്നു. പ്രതിയെ കണ്ടെത്താന് പൊലീസ് അന്വേഷണം ആരംഭിച്ചു.
