ലോക വാർത്തകൾ:
യുഎസ് – ഇറാൻ വെടിനിർത്തൽ കാലാവധി ഇന്ന് (ഏപ്രിൽ 22) അവസാനിക്കുകയാണ്. കരാർ ഒപ്പിടുമെന്ന് യുഎസ് അവകാശപ്പെടുന്നുണ്ടെങ്കിലും, രണ്ടാം ഘട്ട ചർച്ചകൾക്കില്ലെന്ന നിലപാടിലാണ് ഇറാൻ.
ഷി ജിൻപിങ്ങിന്റെ നിലപാട്: ഹുർമുസ് കടലിടുക്ക് അന്താരാഷ്ട്ര കപ്പൽ ഗതാഗതത്തിനായി തുറന്നുകൊടുക്കണമെന്ന് ചൈനീസ് പ്രസിഡന്റ് ഷി ജിൻപിങ് ആവശ്യപ്പെട്ടു. മേഖലയിലെ സംഘർഷാവസ്ഥയിൽ ചൈനയുടെ ഇടപെടൽ നിർണ്ണായകമായി കാണുന്നു.
മെക്സിക്കോയിൽ വെടിവെപ്പ്: മെക്സിക്കോയിലെ പ്രശസ്തമായ തിയോതിവാക്കാൻ പുരാവസ്തു കേന്ദ്രത്തിലുണ്ടായ വെടിവെപ്പിൽ ഒരു കനേഡിയൻ യുവതി കൊല്ലപ്പെടുകയും നിരവധി വിനോദസഞ്ചാരികൾക്ക് പരിക്കേൽക്കുകയും ചെയ്തു.
ലെബനൻ അതിർത്തി: ദക്ഷിണ ലെബനനിൽ ഹിസ്ബുള്ള വെടിനിർത്തൽ ലംഘിച്ചതായി ഇസ്രായേൽ ആരോപിച്ചു.
സൗദി അറേബ്യയിൽ സ്വദേശിവൽക്കരണം: സൗദി അറേബ്യയിൽ സ്വകാര്യ മേഖലയിലെ സ്വദേശിവൽക്കരണത്തിന്റെ ശതമാനം വർദ്ധിപ്പിച്ചു. മാർക്കറ്റിംഗ്, സെയിൽസ് മേഖലകളിലാണ് പ്രധാനമായും പുതിയ മാറ്റം വരുന്നത്.
യുഎഇ-യുഎസ് ബന്ധം: പശ്ചിമേഷ്യൻ സാഹചര്യങ്ങൾക്കിടയിൽ യുഎഇയും അമേരിക്കയും തമ്മിലുള്ള പ്രതിരോധ ബന്ധത്തിൽ വിള്ളൽ വീഴുന്നതായി റിപ്പോർട്ടുകൾ. യുഎസ് സൈനിക താവളങ്ങൾ യുഎഇയുടെ തന്ത്രപരമായ ആസ്തികളല്ലെന്ന് ഉന്നത ഉദ്യോഗസ്ഥർ പ്രതികരിച്ചു.
സൗദി ലുലു ഫുഡ് ഫെസ്റ്റ്: ലോകരുചികൾ അണിനിരത്തുന്ന ലുലു വേൾഡ് ഫുഡ് ഫെസ്റ്റിവലിന് ഇന്ന് സൗദിയിൽ തുടക്കമാകും. ചലച്ചിത്ര താരം ധ്യാൻ ശ്രീനിവാസൻ റിയാദിൽ വെള്ളിയാഴ്ച ഉദ്ഘാടനം നിർവ്വഹിക്കും.
കുവൈത്ത്: രാജ്യത്തിന്റെ വിവിധ ഭാഗങ്ങളിൽ കണ്ടെത്തിയ പഴയ വെടിക്കോപ്പുകൾ സൈന്യം വിജയകരമായി നിർവീര്യമാക്കി.
തൃശൂർ വെടിക്കെട്ട് ദുരന്തം: തൃശൂർ പൂരത്തിന് വെടിക്കെട്ട് ഒരുക്കുകയായിരുന്ന പടക്ക നിർമ്മാണ കേന്ദ്രത്തിലുണ്ടായ സ്ഫോടനത്തിൽ 14 പേർ മരിച്ചു.മരിച്ചവരിൽ മൂന്നു പേരയേ തിരിച്ചറിഞ്ഞിട്ടുള്ളു.നിരവധി പേർക്ക് പരിക്കേറ്റു. ഗുരുതരമായി പരിക്കേറ്റവർ ചികിത്സയിലാണ്.
പഹൽഗാം ഭീകരാക്രമണത്തിന് ഒരു വർഷം: കശ്മീരിലെ പഹൽഗാമിൽ ഭീകരർ നടത്തിയ വെടിവെപ്പിൽ 26 പേർ കൊല്ലപ്പെട്ട ദാരുണമായ സംഭവത്തിന് ഇന്ന് ഒരു വർഷം തികയുന്നു. കൊല്ലപ്പെട്ടവരിൽ കൊച്ചി സ്വദേശിയായ രാമചന്ദ്രനും ഉൾപ്പെട്ടിരുന്നു. രാജ്യം ഇന്ന് പഹൽഗാം രക്തസാക്ഷികൾക്ക് ആദരാഞ്ജലികൾ അർപ്പിക്കുന്നു.
അശ്വഗന്ധ ഇലകൾക്ക് നിരോധനം: രാജ്യത്ത് ഔഷധ ആവശ്യങ്ങൾക്കായി അശ്വഗന്ധയുടെ ഇലകൾ ഉപയോഗിക്കുന്നത് നിരോധിച്ചു. ഉപയോഗിക്കുന്നവർ ജാഗ്രത പാലിക്കണമെന്ന് ആരോഗ്യ മന്ത്രാലയം മുന്നറിയിപ്പ് നൽകി.
അസം പ്രളയക്കെടുതിയിൽ: കനത്ത മഴയെത്തുടർന്ന് അസമിലെ പല ഭാഗങ്ങളും പ്രളയക്കെടുതിയിലാണ്. വടക്കുകിഴക്കൻ സംസ്ഥാനങ്ങളിൽ മഴ തുടരുമെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു.
കർണാടകയിൽ ശമ്പളം വൈകുന്നു: കർണാടകയിൽ സർക്കാർ ജീവനക്കാരുടെ മാർച്ച് മാസത്തെ ശമ്പളം വൈകുന്നതായി റിപ്പോർട്ടുകൾ. ഇത് സംസ്ഥാനത്ത് വലിയ പ്രതിഷേധങ്ങൾക്ക് കാരണമായിട്ടുണ്ട്.
അക്ഷയ തൃതീയയിലെ റെക്കോർഡ് കച്ചവടത്തിന് ശേഷം സ്വർണവിലയിൽ നേരിയ കുറവ് രേഖപ്പെടുത്തി.
എൽ.പി.ജി വിഹിതം: വാണിജ്യ എൽ.പി.ജി വിഹിതം 50 ശതമാനമായി ഉയർത്താൻ സർക്കാർ അനുമതി നൽകി.
ഐ.പി.എൽ 2026: ഉപ്പൽ സ്റ്റേഡിയത്തിൽ നടന്ന ആവേശപ്പോരാട്ടത്തിൽ ഡൽഹി ക്യാപിറ്റൽസിനെ 47 റൺസിന് തകർത്ത് സൺറൈസേഴ്സ് ഹൈദരാബാദ് വിജയിച്ചു. അഭിഷേക് ശർമ്മയുടെ ബാറ്റിങ്ങും മലിംഗയുടെ ബൗളിംഗുമാണ് ഹൈദരാബാദിന് തുണയായത്.
വിജയ്-സംഗീത വിവാഹമോചനം: നടൻ വിജയ്യും ഭാര്യ സംഗീതയും തമ്മിലുള്ള വിവാഹമോചന ഹർജിയിലെ ഹിയറിങ് മാറ്റിവച്ചു. തമിഴ് രാഷ്ട്രീയത്തിലും സിനിമാ ലോകത്തും ഇത് വലിയ ചർച്ചയായിട്ടുണ്ട്.
പി.വി. അൻവർ തൃണമൂൽ കോൺഗ്രസുമായുള്ള ബന്ധം അവസാനിപ്പിച്ച് പുതിയ പാർട്ടി രൂപീകരിക്കുമെന്ന് പ്രഖ്യാപിച്ചു.
ഐ.എസ്.എൽ: കേരള ബ്ലാസ്റ്റേഴ്സിന് ജയം. ജംഷഡ്പൂർ എഫ്.സിയെയാണ് ബ്ലാസ്റ്റേഴ്സ് പരാജയപ്പെടുത്തിയത്
തൃശൂർ വെടിക്കെട്ട് പുരയിലെ സ്ഫോടനം: തൃശൂർ മുണ്ടത്തിക്കോടിന് സമീപം പടക്കനിർമ്മാണ ശാലയിലുണ്ടായ ശക്തമായ സ്ഫോടനത്തിൽ തിരുവമ്പാടി വിഭാഗത്തിന് വേണ്ടി വെടിക്കോപ്പുകൾ ഉണ്ടാക്കുന്നതിനിടയിലുണ്ടായ സ്ഫോട നത്തിൽ മരിച്ചവരുടെ ശരീരഭാഗങ്ങൾ ചിതറിത്തെറിച്ച നിലയിലായതിനാൽ ഡി.എൻ.എ പരിശോധനയിലൂടെ മാത്രമേ ആളെ തിരിച്ചറിയാൻ കഴിയൂ എന്ന് അധികൃതർ വ്യക്തമാക്കി. പ്രധാനമന്ത്രി ദുരന്തത്തിൽ അനുശോചനം രേഖപ്പെടുത്തുകയും ധനസഹായം പ്രഖ്യാപിക്കുകയും ചെയ്തു.
വിപണിയിൽ പൈനാപ്പിൾ വില കുത്തനെ ഇടിഞ്ഞത് കർഷകർക്ക് വലിയ തിരിച്ചടിയായി.
സൈബർ ജാഗ്രത: വിവൊ ഐക്യു ഫോണുകൾ ഉപയോഗിക്കുന്നവരെ ലക്ഷ്യമിട്ട് സൈബർ തട്ടിപ്പുകൾ നടക്കുന്നുണ്ടെന്ന് കേരള പോലീസ് മുന്നറിയിപ്പ് നൽകി.
തൃശൂരിലെ ദുരന്തത്തിന്റെ പശ്ചാത്തലത്തിൽ വെടിക്കെട്ട് നിയന്ത്രണങ്ങളെക്കുറിച്ചുള്ള ചർച്ചകൾ വീണ്ടും സജീവമായിട്ടുണ്ട്.
ഭൗമദിന ആചരണം: ഇന്ന് (ഏപ്രിൽ 22) ലോക ഭൗമദിനത്തോടനുബന്ധിച്ച് ജില്ലയിലെ വിവിധ സ്കൂളുകളിലും പരിസ്ഥിതി സംഘടനകളുടെ നേതൃത്വത്തിലും ബോധവൽക്കരണ പരിപാടികൾ നടക്കുന്നു. ചന്ദ്രഗിരി ഗവ. ഹയർ സെക്കണ്ടറി സ്കൂളിൽ പ്രത്യേക പരിപാടികൾ സംഘടിപ്പിച്ചിട്ടുണ്ട്.
എരിക്കുളം മണ്ണെടുപ്പുത്സവം: നീലേശ്വരത്തിന് സമീപമുള്ള എരിക്കുളം വയലിൽ ഗ്രാമത്തിന്റെ തനിമ വിളിച്ചോതുന്ന മണ്ണെടുപ്പുത്സവം സജീവമായി തുടരുന്നു. എല്ലാ പ്രായത്തിലുമുള്ള ഗ്രാമവാസികൾ ഇതിൽ പങ്കാളികളാകുന്നു.
കാസർകോട് ജില്ലയിലെ എൽ.പി സ്കൂൾ അറബിക് ടീച്ചർ ഉൾപ്പെടെയുള്ള വിവിധ തസ്തികകളിലേക്കുള്ള അഡ്വൈസ് നടപടികൾ പുരോഗമിക്കുന്നതായി പി.എസ്.സി അറിയിച്ചിട്ടുണ്ട്.
നിയമസഭാ തെരഞ്ഞെടുപ്പിന്റെ പശ്ചാത്തലത്തിൽ ജില്ലയിലെ മഞ്ചേശ്വരം, കാസർകോട് മണ്ഡലങ്ങളിൽ രാഷ്ട്രീയ ചർച്ചകൾ ചൂടുപിടിക്കുകയാണ്.
വേനൽ ചൂട് വർദ്ധിച്ചു വരുന്ന സാഹചര്യത്തിൽ ഉച്ചസമയത്ത് നേരിട്ട് വെയിൽ ഏൽക്കാതിരിക്കാൻ ശ്രദ്ധിക്കണമെന്ന് ആരോഗ്യവകുപ്പ് നിർദ്ദേശിച്ചിട്ടുണ്ട്.
കാസർകോട്ടു ഇന്ന് പുലർച്ചെ നേരിയ മഴ അനുഭവപ്പെട്ടു.
