കാസര്‍കോട്: താര്‍ ജീപ്പില്‍ കടത്തുകയായിരുന്ന എംഡി എം എ പിടികൂടി. കാഞ്ഞങ്ങാട് സ്വദേശികളായ രണ്ടുപേര്‍ അറസ്റ്റില്‍. കാഞ്ഞങ്ങാട് ഒഴിഞ്ഞ വളപ്പിലെ മുഹമ്മദ് സജാദ് അലി (28), കൂളിയങ്കാലിലെ ടി. ഷമീര്‍ (38) എന്നിവരെയാണ് കാസര്‍കോട് പൊലീസ് അറസ്റ്റ് ചെയ്തത. പ്രതികളില്‍ നിന്ന് 10 ഗ്രാം എംഡി എം എ കണ്ടെടുത്തു. ജില്ലാ പൊലീസ് മേധാവിയുടെ സ്‌ക്വാഡിന് ലഭിച്ച രഹസ്യ വിവരത്തിന്റെ അടിസ്ഥാനത്തില്‍ ശനിയാഴ്ച പുലര്‍ച്ചെ കറന്തക്കാട്ട് നടത്തിയ പരിശോധനയിലാണ് സംഘം പിടിയിലായത്.