കാസര്കോട്: മഞ്ചേശ്വരം മണ്ഡലത്തില് സിപിഎം സ്ഥാനാര്ത്ഥിയായി ജില്ലാ കമ്മിറ്റി അംഗം ജയാനന്ദയെ തീരുമാനിച്ചു. ജില്ലാ നേതൃയോഗമാണ് ഈ തീരുമാനമെടുത്തത്. നേരത്തെ മഞ്ചേശ്വരം മണ്ഡലത്തില് ഷാനവാസ് പാദൂരിനെ സ്ഥാനാര്ത്ഥിയായി പരിഗണിച്ചിരുന്നു. എന്നാല് ഷാനവാസ് സ്ഥാനാര്ത്ഥിയായാല് അത് ബിജെപിക്ക് അനുകൂലമാകുമെന്ന വിലയിരുത്തലിലാണ് അദ്ദേഹത്തെ മാറ്റിയത്.
ഉദുമയില് സി.എച്ച് കുഞ്ഞമ്പുവും തൃക്കരിപ്പൂരില് വിപിപി മുസ്തഫയും ആയിരിക്കും സ്ഥാനാര്ത്ഥികളെന്ന് ഏതാണ്ട് തീരുമാനിച്ചിട്ടുണ്ട്.
