കാസര്കോട്: ലോകബാങ്കിന്റെ സഹകരണത്തോടെ കൃഷി വകുപ്പ് നടപ്പാക്കുന്ന കേര പദ്ധതിയുടെ ഭാഗമായി കാലാവസ്ഥാ വ്യതിയാനത്തെ അതിജീവിക്കുന്ന ശാസ്ത്രീയ കൃഷി രീതികള്, ഡിജിറ്റല് കൃഷി രീതികള്, മാനേജ്മന്റ് രീതികള് എന്നിവയെക്കുറിച്ചു ജില്ലാതല പരിശീലന ശില്പശാല നടത്തി.
കാര്ബണ് ക്രെഡിറ്റ് വിപണിയില് പങ്കാളിത്തം, മണ്ണിന്റെ ആരോഗ്യ സംരക്ഷണം, ജല സംരക്ഷണം തുടങ്ങിയ ആധുനിക കാലാവസ്ഥാ-സൗഹൃദ കൃഷി രീതികളില് കര്ഷകരെ ശാക്തീകരിക്കുന്നതോടൊപ്പം, മാനേജ്മെന്റ് മികവ്, ഡിജിറ്റല് കൃഷിരീതികള് എന്നിവ മെച്ചപ്പെടുത്തി കാര്ഷിക മേഖലയുടെ സുസ്ഥിരത ഉറപ്പു വരുത്തുകയാണ് പരിപാടിയുടെ ലക്ഷ്യം. ജില്ലാതല ശില്പശാലയുടെ അടിസ്ഥാനത്തില് എല്ലാ പഞ്ചായത്തുകളിലും കര്ഷകരുടെ പരിശീലനാവശ്യങ്ങള് വിലയിരുത്തുന്ന സര്വേ ആരംഭിക്കും.
കാസര്കോട് ആത്മ ഹാളില് നടന്ന ശില്പശാല ജില്ലാ കൃഷി ഓഫീസര് പി.രാഘവേന്ദ്ര ഉദ്ഘാടനം ചെയ്തു. ആത്മ പ്രൊജക്റ്റ് ഡയറക്ടര് കെ.ആനന്ദ അധ്യക്ഷത വഹിച്ചു. റീജ്യണല് ഡെ. പ്രോജെക്ട് ഡയറക്ടര് ഷീന, കൃഷി ഡെപ്യൂട്ടി ഡയറക്ടര് മിനി മേനോന്, ഡോ.എ.എസ്.അനില്കുമാര്, ആര്.വീണാറാണി, ഡെ. പ്രോജക്ട് ഡയറക്ടര് പ്രീതി പ്രസംഗിച്ചു.
വൊർക്കാടിയിൽ നട്ടുച്ചയ്ക്ക് കോഴിക്കെട്ട്: അഞ്ചുപേർ പിടിയിൽ: 14,000 രൂപയും ഒരു കോഴിയും കസ്റ്റഡിയിൽ
Tuesday, 7 July 2026, 21:17
