കൊച്ചി: കേരളത്തില് ഏറെ ചര്ച്ചയായ നടിയെ ആക്രമിച്ച കേസില് ഡിസംബര് എട്ടിന് വിധി പറയും.
എറണാകുളം പ്രിന്സിപ്പല് സെഷന്സ് കോടതി ജഡ്ജിയാണ് കേസില് വിധി പറയുന്നത്. ഏഴുവര്ഷം നീണ്ട വിചാരണ നടപടികളാണ് ഇതോടെ അവസാനിക്കുന്നത്. കഴിഞ്ഞ ഏപ്രിലില് പ്രൊസിക്യൂഷന്റെയും പ്രതിഭാഗത്തിന്റെയും വാദം പൂര്ത്തിയായിരുന്നു. ഇതിന് ശേഷം 27 തവണയാണ് വാദത്തില് വ്യക്തത വരുത്തുന്നതിനായി കേസ് വിചാരണക്കോടതി മാറ്റിവെച്ചത്. പള്സര് സുനി ഒന്നാം പ്രതിയായ കേസില്, നടന് ദിലീപാണ് എട്ടാം പ്രതി. 2017 ലാണ് ഓടിക്കൊണ്ടിരിക്കുന്ന വാഹനത്തില് വെച്ച് നടി ആക്രമിക്കപ്പെട്ടത്. ഫെബ്രുവരി 17ന് രാത്രിയാണ് തൃശൂരില് നിന്ന് കൊച്ചിയിലേക്കുള്ള യാത്രയ്ക്കിടെ നടി ആക്രമിക്കപ്പെടുകയായിരുന്നു. പള്സര് സുനി ആണ് കേസില് ഒന്നാം പ്രതി. നടന് ദിലീപ് ഉള്പ്പെടെ ഒമ്പത് പേരാണ് കേസില് പ്രതികള്. ഇതുമായി ബന്ധപ്പെട്ട് ജയിലിലായിരുന്ന ദിലീപും പള്സര് സുനിയുമടക്കമുള്ളവര് ഇപ്പോള് ജാമ്യത്തിലാണ്. 28 സാക്ഷികളാണ് കേസില് കൂറുമാറിയത്.
മകൻ ഷോക്കേറ്റ് മരിച്ചതിന് പിന്നാലെ മാതാവും മരിച്ചു
Wednesday, 15 July 2026, 21:33
