ധാക്ക: ബംഗ്ലദേശിലെ സര്ക്കാര് വിരുദ്ധ കലാപം അടിച്ചമര്ത്തിയ കേസില് മുന് പ്രധാനമന്ത്രി ഷെയ്ഖ് ഹസീനയ്ക്ക് വധശിക്ഷ. ദി ഇന്റര്നാഷനല് ക്രൈംസ് ട്രൈബ്യൂണല് ഓഫ് ബംഗ്ലദേശാണ് (ഐസിടി-ബിഡി) ശിക്ഷ വിധിച്ചത്. കഴിഞ്ഞവര്ഷം ഓഗസ്റ്റില് നടന്ന പൊലീസ് നടപടിയിലാണ്വിധി.
മനുഷ്യരാശിക്കെതിരായ കുറ്റങ്ങള് തെളിഞ്ഞെന്ന് ബംഗ്ലാദേശിലെ അന്താരാഷ്ട്ര കുറ്റകൃത്യ ട്രിബ്യൂണല് പറഞ്ഞു. വിദ്യാര്ഥികള്ക്ക് നേരെ ഉണ്ടായ വെടിവയ്പ്പിനെ കുറിച്ച് ഹസീനയ്ക്ക് അറിവുണ്ടായിരുന്നു എന്നും കോടതി വിലയിരുത്തി. ഈ വര്ഷം ഓഗസ്റ്റ് 3നാണ് ഷെയ്ഖ് ഹസീനയെ വിചാരണ ചെയ്യാന് പ്രത്യേക ട്രൈബ്യൂണല് അനുമതി നല്കിയത്. ഹസീനയുടെ അഭാവത്തിലും കൂട്ടക്കൊല, പീഡനം തുടങ്ങി 5 കുറ്റകൃത്യങ്ങള് ചുമത്തിയാണ് വിചാരണ നടന്നത്. 2024 ജുലായിലുണ്ടായ പ്രക്ഷോഭത്തെ തുടര്ന്ന് ആഗസ്ത് 5നു രാജിവച്ചു നാടുവിട്ട ഹസിന അന്നുമുതല് ഇന്ത്യയിലാണ് കഴിയുന്നത്. കുറ്റക്കാരിയെന്ന് കോടതി കണ്ടെത്തിയതിനു പിന്നാലെ ഷേഖ് ഹസീനയുടെ ധാക്കയിലെ വീടിന് മുന്നില് വലിയ സുരക്ഷ ഏര്പ്പെടുത്തിയിട്ടുണ്ട്. ഹസീനയുടെ വീടിന് മുന്നില് ബുള്ഡോസറുകളും നിര്ത്തിയിട്ടതായുള്ള റിപ്പോര്ട്ടുകളുമുണ്ട്.
