തിരുവനന്തപരം: റെയിൽവേ സ്റ്റേഷനുകളിലും ട്രെയിനുകളിലും വിതരണം ചെയ്യുന്ന ഭക്ഷണങ്ങളുടെ നിലവാരത്തെക്കുറിച്ചു റെയിൽവെ പൊലീസ് സംസ്ഥാന വ്യാപകമായി പരിശോധന ആരംഭിച്ചു. വന്ദേ ഭാരതിന്റെ തിരുവനന്തപുരം തൈക്കാട്ടുള്ള ബേസ് കിച്ചനിൽ നടന്ന പരിശോധനയിൽ വൃത്തിഹീനമായ അന്തരീക്ഷത്തിലാണു ഭക്ഷണം പാചകം ചെയ്യുന്നതെന്നു കണ്ടെത്തിയതിനെത്തുടർന്നാണ് പരിശോധന. റെയിൽവെ പൊലീസ് സൂപ്രണ്ട് ഷഹൻഷായുടെ നിർദ്ദേശപ്രകാരമാണ് പ്രത്യേക പരിശോധന. റെയിൽവേ പൊലീസ്, നഗര ആരോഗ്യവിഭാഗം, റെയിൽവേ പൊലീസ് ഇന്റലിജിൻസ് വിഭാഗം തുടങ്ങിയവർ പരിശോധനയിൽ പങ്കെടുക്കും.