തൃശൂര്: കുന്നംകുളം പൊലീസ് സ്റ്റേഷനില് യൂത്ത് കോണ്ഗ്രസ് നേതാവ് വി.എസ്.സുജിത്തിനെ മര്ദിച്ച സംഭവത്തില് 4 പൊലീസ് ഉദ്യോഗസ്ഥരെ സസ്പെന്ഡ് ചെയ്യാന് ഡിഐജി ഹരി ശങ്കര് ശുപാര്ശ ചെയ്തു.
കേസില് വകുപ്പുതല നടപടികള് തുടരാമെന്ന് ഡിജിപിക്ക് നിയമോപദേശം ലഭിച്ചിട്ടുണ്ട്. തരംതാഴ്ത്തലോ പിരിച്ചുവിടലോ ഉണ്ടാകാനാണ് സാധ്യത. കസ്റ്റഡി മര്ദനത്തില് പ്രതിപ്പട്ടികയിലുള്ള നാല് പൊലീസ് ഉദ്യോഗസ്ഥരെ സസ്പെന്ഡ് ചെയ്യാന് നിലവില് തൃശൂര് റേഞ്ച് ഡിഐജി ശുപാര്ശ ചെയ്തു. സുജിത്തിനെ മര്ദിച്ച കേസില് എസ്ഐ നൂഹ്മാന്, സജീവന്, സന്ദീപ്, ശശീന്ദ്രന് എന്നിവര്ക്കെതിരായാണു നടപടി.
ഉത്തര മേഖല ഐജിക്ക് നല്കിയ റിപ്പോര്ട്ടിലാണ് സസ്പെന്ഷന് ശുപാര്ശ ചെയ്തിരിക്കുന്നത്. അച്ചടക്ക നടപടി പുനപരിശോധിക്കാനും നിര്ദേശിച്ചിട്ടുണ്ട്. ഡിഐജി ഹരിശങ്കറാണ് ഉത്തമേഖല ഐജിക്ക് റിപ്പോര്ട്ട് നല്കിയത്. നാല് പൊലീസുകാര്ക്കെതിരെ കോടതി ക്രിമിനല് കേസെടുത്തിട്ടുണ്ടെന്നും അതിനാല് സസ്പെന്ഡ് ചെയ്യണമെന്നുമാണ് റിപ്പോര്ട്ടിലുള്ളത്. പൊലീസുകാര്ക്കെതിരെ ഇന്ന് തന്നെ നടപടിയുണ്ടാകാനാണ് സാധ്യത. മാത്രമല്ല ഇവര്ക്കെതിരെ കോടതി ക്രിമനല് കേസും എടുത്തിട്ടുണ്ട്.
കഴിഞ്ഞ ദിവസം സംസ്ഥാന പൊലീസ് മേധാവി രാവാഡ ചന്ദ്രശേഖര് ഉന്നത ഉദ്യോഗസ്ഥരുമായി ഇതു സംബന്ധിച്ചു ചര്ച്ച നടത്തിയിരുന്നു. 2023 ലാണ് യൂത്ത് കോണ്ഗ്രസ് ചൊവ്വന്നൂര് മണ്ഡലം പ്രസിഡന്റ് വി.എസ്. സുജിത്തിന് കുന്നംകുളം സ്റ്റേഷനില് മര്ദനമേറ്റത്.
വിദ്യാർത്ഥിനി ഫാനിൽ തൂങ്ങി മരിച്ച നിലയിൽ
Thursday, 25 June 2026, 18:16
