തിരുവനന്തപുരം: വിഴിഞ്ഞത്തെ ഹോട്ടലിൽ പൊറോട്ട കഴിക്കുന്നതിനിടെ മത്സ്യതൊഴിലാളി കുഴഞ്ഞുവീണു മരിച്ചു. അടിമലത്തുറ സിൽവ ഹൗസിൽ മുത്തപ്പൻ (36) ആണ് മരിച്ചത്. ചപ്പാത്തിന് സമീപമുള്ള ഹോട്ടലിൽ ആണ് സംഭവം. ഞായറാഴ്ച രാവിലെ 9.30 ഓടെ ചപ്പാത്ത് ജങ്ഷനിലുളള ഹോട്ടലിൽ മുത്തപ്പനും സുഹൃത്തുക്കളായ നാല് മത്സ്യത്തൊഴിലാളികളും എത്തിയിരുന്നു. തുടർന്ന് ഇവർ പെറോട്ട വാങ്ങി കഴിക്കുന്നതിനിടയിൽ ശാരീരിക അസ്വസ്ഥയുണ്ടായ മുത്തപ്പൻ കുഴഞ്ഞുവീണു. മറ്റുളളവർ ഇദ്ദേഹത്തെ വിഴിഞ്ഞം ആശുപത്രിയിലെത്തിച്ചു. നില വഷളായതിനെ തുടർന്ന് മെഡിക്കൽ കോളേജ് ആശുപത്രിയിലെത്തിച്ചുവെങ്കിലും രക്ഷിക്കാനായില്ല. വിഴിഞ്ഞം പൊലീസ് മേൽനടപടി സ്വീകരിച്ചു. പോസ്റ്റുമോർട്ടം റിപ്പോർട്ട് ലഭിച്ച ശേഷമേ മരണകാരണം അറിയാൻ കഴിയൂവെന്ന് പൊലീസ് പറഞ്ഞു. ഭാര്യ: സുധ. മക്കൾ: അന്ന, റാണി.