കാസര്‍കോട്: വഴിയാത്രക്കാരിയായ യുവതിയുടെ കഴുത്തില്‍ നിന്നു സ്വര്‍ണ്ണമാല പൊട്ടിക്കാന്‍ ശ്രമം.അക്രമിയെ യുവതി ചവിട്ടി വീഴ്ത്തി. ബഹളം വച്ച് ആള്‍ക്കാരെ വിളിച്ചു കൂട്ടുന്നതിനിടയില്‍ അക്രമി സ്‌കൂട്ടറുമായി രക്ഷപ്പെട്ടു. വ്യാഴാഴ്ച വൈകുന്നേരം പൈവളിഗെ, കുടാല്‍ മേര്‍ക്കളയിലാണ് സംഭവം.വഴിയാത്ര കാരിയായ വാസന്തിയാണ് അതിക്രമത്തിന് ഇരയായത്. സ്‌കൂട്ടറില്‍ എത്തിയ അക്രമി യുവതിക്ക് സമീപത്ത് നിര്‍ത്തി വഴി ചോദിച്ചു. വഴി പറഞ്ഞു കൊടുക്കുന്നതിനിടയില്‍ മാല പൊട്ടിക്കാന്‍ ശ്രമിക്കുകയായിരുന്നു. ഇതോടെ വാസന്തി അക്രമിയെ ചവിട്ടി വീഴ്ത്തി . അപകടം മണത്ത അക്രമി ഉടന്‍ സ്‌കൂട്ടറുമായി രക്ഷപ്പെടുകയായിരുന്നു. വിവരമറിഞ്ഞ് പരിസരവാസികളും കുമ്പള പൊലീസും സ്ഥലത്തെത്തി തെരച്ചില്‍ നടത്തിയെങ്കിലും അക്രമിയെ കണ്ടെത്താന്‍ കഴിഞ്ഞില്ല. പ്രദേശത്തെ സിസി ടി വി ക്യാമറകളിലെ ദൃശ്യങ്ങള്‍ പരിശോധിച്ചു വരികയാണ് പൊലീസ്.