തിരുവനന്തപുരം: കിഴക്കനേല എല്.പി. സ്കൂളില് ഭക്ഷ്യവിഷബാധയെ തുടര്ന്ന് 36 ഓളം കുട്ടികളെ ആശുപത്രിയില് പ്രവേശിപ്പിച്ചു. 250 ഓളം വിദ്യാര്ത്ഥികള് പഠിക്കുന്ന എല്.പി. സ്കൂളിലാണ് ഭക്ഷ്യവിഷബാധ ഉണ്ടായത്. ബുധനാഴ്ച നല്കിയ ഫ്രൈഡ് റൈസും ചിക്കന് കറിയും കഴിച്ച കുട്ടികള്ക്കാണ് ശാരീരിക അസ്വസ്ഥതകള് ഉണ്ടായത്. ഛര്ദിയും വയറിളക്കവും ഉണ്ടായ 36 വിദ്യാര്ത്ഥികളെ ആശുപത്രിയില് പ്രവേശിപ്പിച്ചു. കുട്ടികള്ക്ക് ഭക്ഷ്യവിഷബാധ ഉണ്ടായിട്ടും ഇക്കാര്യം ആരോഗ്യവകുപ്പില് നിന്നും സ്കൂള് അധികൃതര് മറച്ചുവച്ചുവെന്നാണ് ആരോപണം. സാധാരണ നല്കുന്ന മെനുവില് നിന്ന് വ്യത്യസ്തമായി മാംസാഹാരം കുട്ടികള്ക്ക് നല്കിയതും ഹെല്ത്ത് വിഭാഗത്തെ അറിയിച്ചില്ല. കുട്ടികള് പാരിപ്പള്ളി മെഡിക്കല് കോളേജില് ചികിത്സ തേടിയപ്പോഴാണ് ഭക്ഷ്യവിഷബാധ ഉണ്ടായതായി പുറത്തറിയുന്നത്. ജില്ലാ മെഡിക്കല് ഓഫീസറുടെ നിര്ദ്ദേശപ്രകാരം ആരോഗ്യവിഭാഗം സ്കൂളില് എത്തി പരിശോധന നടത്തി. സ്കൂളിലേക്ക് കോണ്ഗ്രസ് പ്രവര്ത്തകര് പ്രതിഷേധ മാര്ച്ച് നടത്തി.
ജില്ലാ സഹ.ആശുപത്രി ഫാർമസി ഗോഡൗൺ ഉദ്ഘാടനം ചെയ്തു
Friday, 26 June 2026, 19:00
