കൊച്ചി: നടന് ബാലചന്ദ്രമേനോനെ സമൂഹ മാധ്യമങ്ങളില് അപകീര്ത്തിപ്പെടുത്തിയെന്ന കേസില് നടി മിനു മുനീറിനെ പൊലീസ് അറസ്റ്റുചെയ്തു. കൊച്ചി ഇന്ഫോപാര്ക്ക് സൈബര് പൊലീസാണ് നടിയെ അറസ്റ്റ് ചെയ്തത്. പിന്നീട് ജാമ്യത്തില് വിട്ടു. ഹേമ കമ്മിറ്റി റിപ്പോര്ട്ടുമായി ബന്ധപ്പെട്ട വിവാദം കത്തി നില്ക്കെയാണ് നടി ആദ്യം പരാതിയുമായി പൊലീസിനെ സമീപിക്കുന്നത്. നടന്മാരായ മുകേഷ്, ജയസൂര്യ ഉള്പ്പെടെ ഏഴ് പേര്ക്കെതിരെ ആദ്യം പരാതി നല്കി. പിന്നീടാണ് സംവിധായകനും നടനുമായ ബാലചന്ദ്ര മേനോനെതിരെ രംഗത്ത് വരുന്നത്. 2007 ജനുവരിയില് ‘ദേ ഇങ്ങോട്ട് നോക്കിയേ’ എന്ന സിനിമയുടെ ഷൂട്ടിംഗിനിടെ ബാലചന്ദ്ര മേനോനില് നിന്ന് ലൈംഗിക അതിക്രമം നേരിടേണ്ടി വന്നുവെന്നായിരുന്നു പരാതി.
അതേസമയം സംവിധായകനും നടനുമായ ബാലചന്ദ്രമേനോനെതിരെ നടി നല്കിയ പരാതിയുമായി ബന്ധപ്പെട്ട കേസിലെ നടപടികള് കോടതി അവസാനിപ്പിച്ചിരുന്നു. ഇതിന്റെ ഭാഗമായി പരാതിക്കാരിയായ നടിക്ക് കോടതി നോട്ടീസ് നല്കി. ബാലചന്ദ്രമേനോനെതിരെയുള്ള ആരോപണങ്ങള്ക്ക് തെളിവില്ലെന്ന് ചൂണ്ടിക്കാട്ടിയാണ് പൊലീസ് അന്തിമ റിപ്പോര്ട്ട് സമര്പ്പിച്ചത്.
ദേശീയ പഞ്ചഗുസ്തി മത്സരം; ഗോൾഡ് മെഡൽ നേടി നീലേശ്വരം ചാത്തമത്തെ ആദർശ്
Thursday, 18 June 2026, 6:50
