കാസർകോട്: കാർ മറി കടന്നുവെന്ന വിരോധത്തിൽ യുവാക്കളെ തടഞ്ഞു നിർത്തി ആക്രമിച്ചതായി പരാതി. മഞ്ചേശ്വരം, പാവൂർ, കോടി ഹൗസിലെ അബ്ദുൽ ഖാദർ (39), മുഹമ്മദ് ജൗഹർ ( 31 ) എന്നിവരാണ് അക്രമത്തിന് ഇരയായത്. അബ്ദുൽ ഖാദറിന്റെ പരാതിയിൽ ഹൊസങ്കടിയിലെ യാക്കൂബ് , പാവൂരിലെ മുബാറക് , മച്ചംപാടിയിലെ ജബ്ബാർ , മഞ്ചേശ്വരത്തെ അഷ്റഫ് എന്നിവർക്കെതിരെ മഞ്ചേശ്വരം പൊലീസ് കേസെടുത്തു. വെള്ളിയാഴ്ച്ച വൈകുന്നേരം വൊർക്കാടി, മച്ചംപാടി പള്ളത്താണ് സംഭവം. യുവാക്കളെ തടഞ്ഞു നിർത്തിയ ശേഷം മരവടി, കത്തി തുടങ്ങിയ മാരകായുധങ്ങൾ കൊണ്ട് ആക്രമിക്കുകയായിരുന്നുവെന്നും ഒഴിഞ്ഞു മാറിയിരുന്നില്ലെങ്കിൽ മരണം സംഭവിക്കുമായിരുന്നുവെന്നും കേസിൽ പറയുന്നു.