തിരുവനന്തപുരം: സംസ്ഥാനത്ത് 5 ദിവസം കൂടി കനത്ത മഴയ്ക്കു സാധ്യതയെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. തെക്കന് ഗുജറാത്തിനു മുന്നോടിയായി രൂപം കൊണ്ട ചക്രവാതച്ചുഴി അടുത്ത 24 മണിക്കൂറിനുള്ളില് ന്യൂനമര്ദ്ദമായി ശക്തി പ്രാപിക്കാന് സാധ്യതയുണ്ടെന്നാണ് അറിയിപ്പ്. മറ്റൊരു ചക്രവാതച്ചുഴി വടക്ക് പടിഞ്ഞാറന് ബംഗാള് ഉള്ക്കടലിനു മുകളില് സ്ഥിതി ചെയ്യുന്നുണ്ട്.
ഇന്നും നാളെയും സംസ്ഥാനത്ത് ഒറ്റപ്പെട്ട കനത്ത മഴയ്ക്കും മണിക്കൂറില് പരമാവധി 40-60 കിലോമീറ്റര് വരെ ശക്തമായ കാറ്റിനും സാധ്യതയുണ്ടെന്നും മുന്നറിയിപ്പുണ്ട്.
സംസ്ഥാന വ്യാപകമായി ഇന്ന് മഴ തുടരും. വടക്കന് ജില്ലകളില് അതിതീവ്ര മഴയ്ക്കു സാധ്യതയുണ്ട്.
