കാസര്‍കോട്: ആദൂര്‍ പൊലീസ് സ്റ്റേഷന്‍ പരിധിയിലെ അഡൂര്‍, ഉര്‍ഡൂരില്‍ തെയ്യം കലാകാരനെ അയല്‍വാസിയുടെ വീട്ടു വരാന്തയില്‍ മരിച്ച നിലയില്‍ കണ്ടെത്തി. ചന്ദനക്കാട്ടെ പരേതരായ കുഞ്ഞിക്കണ്ണന്‍ – മാധവി ദമ്പതികളുടെ മകന്‍ ടി.സതീശന്‍ എന്ന ബിജു (46) ആണ് മരിച്ചത്. കാസര്‍കോട് പുലിക്കുന്ന് ശ്രീ ഐവര്‍ ഭഗവതീ ക്ഷേത്രം ആലി തെയ്യം കോലധാരിയാണ്. അവിവാഹിതനാണ്.
സതീശനും സഹോദരി സൗമിനിയുമാണ് വീട്ടില്‍ താമസം. കൂലിപണിക്കു പോയ സഹോദരി ചൊവ്വാഴ്ച വൈകുന്നേരം വീട്ടില്‍ തിരിച്ചെത്തിയപ്പോള്‍ സഹോദരനെ കണ്ടെത്താന്‍ കഴിഞ്ഞില്ല. അന്വേഷിക്കുന്നതിനിടയിലാണ് സതീശനെ അയല്‍വാസിയായ ചോമണ്ണ നായിക്കിന്റെ വീട്ടു വരാന്തയില്‍ അബോധാവസ്ഥയില്‍ കണ്ടെത്തിയത്. ഉടന്‍ ആശുപത്രിയില്‍ എത്തിച്ചുവെങ്കിലും ജീവന്‍ രക്ഷിക്കാനായില്ല. മൃതദേഹം ജനറല്‍ ആശുപത്രി മോര്‍ച്ചറിയില്‍. മാതൃസഹോദരന്റെ പരാതിപ്രകാരം ആദൂര്‍ പൊലീസ് കേസെടുത്തു.
17 കാരിയെ പീഡിപ്പിച്ചു; പിന്നാലെ മാതാവിനൊപ്പം ഒളിച്ചോടി; ജസല്‍ തങ്ങള്‍ മഞ്ചേശ്വരത്ത് അറസ്റ്റില്‍
Friday, 16 October 2026, 16:33
