കാസര്‍കോട്: ആത്മഹത്യയ്ക്കു ശ്രമിച്ച് ഗുരുതരനിലയില്‍ ചികിത്സയിലായിരുന്ന 17കാരി മരിച്ചു. മേല്‍പ്പറമ്പ്, കൂവത്തൊട്ടി ഉലൂജിയിലെ രഞ്ജിനി(17)യാണ് വയനാട് മെഡിക്കല്‍ കോളേജ് ആശുപത്രിയില്‍ മരിച്ചത്. ഏതാനും ദിവസം മുമ്പാണ് രഞ്ജിനി കെട്ടിത്തൂങ്ങി മരിക്കാന്‍ ശ്രമിച്ചത്. ഗുരുതര നിലയിലായ പെണ്‍കുട്ടി ഏതാനും ദിവസം കണ്ണൂരിലെ സ്വകാര്യ ആശുപത്രിയില്‍ ചികിത്സയിലായിരുന്നു. അവിടെ ചികിത്സിച്ച ഡോക്ടര്‍മാരുടെ നിര്‍ദ്ദേശ പ്രകാരമാണ് വയനാട് മെഡിക്കല്‍ കോളേജിലേക്ക് മാറ്റിയത്. കൈകൊട്ടിക്കളി കളിക്കാന്‍ പോയി വൈകി വന്നത് ശരിയല്ലെന്ന് അമ്മൂമ്മ ഉപദേശിച്ച വിഷമത്തിലാണ് പെണ്‍കുട്ടി കെട്ടിത്തൂങ്ങിയതെന്നു പറയുന്നു. സംഭവത്തില്‍ മേല്‍പ്പറമ്പ് പൊലീസ് കേസെടുത്തു. സുമലതയാണ് പെണ്‍കുട്ടിയുടെ മാതാവ്.
അന്വേഷണ മികവിന് മുഖ്യമന്ത്രിയുടെ പൊലീസ് മെഡല്‍ നേടിയ സുനില്‍ എബ്രഹാമിനെ ആദരിച്ചു
Friday, 16 October 2026, 16:46
