ന്യൂഡൽഹി: രാജ്യത്ത് കോവിഡ് കേസുകൾ 3000 കടന്നു. 3395 പേർക്കാണ് ഇന്ത്യയിൽ നിലവിൽ കോവിഡുള്ളത്. കേരളത്തിലാണ് കൂടുതൽ. 1336 കേസുകൾ. മഹാരാഷ്ട്ര(467), ഡൽഹി(375), ഗുജറാത്ത്(265), കർണാടക(234) സംസ്ഥാനങ്ങളിലും കേസുകൾ വർധിക്കുന്നുണ്ട്. കഴിഞ്ഞ 24 മണിക്കൂറിനിടെ 4 മരണങ്ങളും റിപ്പോർട്ട് ചെയ്തു.മേയ് 22ന് 257 കോവിഡ് കേസുകൾ മാത്രമാണ് രാജ്യത്തുണ്ടായിരുന്നത്. കോവിഡ് വകഭേദങ്ങളായ എൻബി.1.8.1, എൽഎഫ്.7, എക്സ്എഫ്ജി,ജെഎൻ.വൺ എന്നിവയാണ് വ്യാപനത്തിനു കാരണമായത്. നിരീക്ഷണം തുടരുകയാണെന്നും സ്ഥിതി നിയന്ത്രണവിധേയമാണെന്നും ഐസിഎംആർ ഡയറക്ടർ ജനറൽ ഡോ. രാജീവ് ബഹൽ അറിയിച്ചു.