മംഗളൂരു: പൊട്ടിവീണ വൈദ്യുതി ലൈനിൽ തട്ടി വീട്ടമ്മ മരിച്ചു. മൂഡ്ബിദ്രിക്ക് സമീപമുള്ള ഇരവൈലുവിലെ ലില്ലി ഡിസൂസ(52)യാണ് മരിച്ചത്. ബുധനാഴ്ച രാവിലെ ആണ് അപകടം. ശക്തമായ കാറ്റിലും മഴയിലും വീടിനോട് ചേർന്നുള്ള കന്നുകാലി തൊഴുത്തിന് സമീപം മുകളിലൂടെയുള്ള വൈദ്യുതി ലൈൻ പൊട്ടി വീണിരുന്നു. വീണുകിടക്കുന്ന വൈദ്യുത കമ്പിയിൽ വൈദ്യുതി പ്രവഹിക്കുന്നത് അറിയാത ചവിട്ടിയപ്പോൾ വൈദ്യുതാഘാതമേറ്റു. ആശുപത്രിയിൽ എത്തിച്ചുവെങ്കിലും മരിച്ചു. സ്കോമിന്റെ (മംഗലാപുരം വൈദ്യുതി വിതരണ കമ്പനി) അശ്രദ്ധയാണ് ദാരുണമായ മരണത്തിന് കാരണമെന്ന് നാട്ടുകാർ ആരോപിച്ചു. ഉത്തരവാദിയായ മെസ്കോം ഉദ്യോഗസ്ഥനെ ഉടൻ സസ്പെൻഡ് ചെയ്യണമെന്ന് ആവശ്യപ്പെട്ട് നാട്ടുകാർ സംഭവസ്ഥലത്ത് പ്രതിഷേധ പ്രകടനം നടത്തി.