കാസർകോട് : ദേശീയ പാതക്കു കുമ്പളയിൽ ടോൾ ബൂത്ത് സ്ഥാപിക്കുന്നതിനെതിരെ നൂറുകണക്കിനു നാട്ടുകാർ സർവകക്ഷി സമര സമിതിയുടെ നേതൃത്വത്തിൽ പന്തംകൊളുത്തി പ്രകടനം നടത്തി. ടോൾ ബൂത്ത് സംബന്ധിച്ച നിശ്ചിത വ്യവസ്ഥകൾ ലംഘിച്ചു കൊണ്ടാണു കുമ്പളയിൽ അതു സ്ഥാപിക്കുന്നതെന്നു പ്രകടനം ആരോപിച്ചു. ഉപ്പുതൊട്ടു കർപ്പൂരം വരെ എല്ലാ കാര്യങ്ങൾക്കും വിദ്യാഭ്യാസത്തിനും ചികിത്സക്കും കാസർകോടു നിവാസകൾ മംഗലാപുരത്തെയാണ് ആശ്രയിക്കുന്നത്.അത്തരത്തിൽ പോകുന്നതിനു കുമ്പളയിലും തലപ്പാടിയിലും ടോൾ കൊടുക്കണമെന്നു പറയുന്നതു വെല്ലുവിളിയായേ കാണാനാവൂ എന്നു താട്ടുകാർ ചൂണ്ടിക്കാട്ടി. ഈ സാഹചര്യം പരിഗത്തിച്ചു കുമ്പളയിൽ ടോൾ പിരിവു നടത്താനുള്ള നീക്കം ഉപേക്ഷിക്കണമെന്നു പാർട്ടികളുടെ പ്രാദേശിക നേതാക്കന്മാർ സമാപനയോഗത്തിൽ പറഞ്ഞു.