കാസർകോട്: റെയിൽവേ പൊലീസ് മേധാവിയുടെ നിർദ്ദേശപ്രകാരം ഓപ്പറേഷൻ ഡി ഹണ്ടിന്റെ നടത്തിയ പരിശോധനയിൽ ട്രെയിനിൽ നിന്നും 1.350ഗ്രാം കഞ്ചാവ് കണ്ടെത്തി. ശനിയാഴ്ച രാത്രി 9 മണിയോടെ മുരുഡേശ്വരിൽ നിന്നും കാച്ചെഗുഡാ വരെ പോകുന്ന കാച്ചെഗുഡാ എക്സ്പ്രസ്സിൽ നിന്നാണ് കഞ്ചാവ് കണ്ടെത്തിയത്. ട്രെയിനിന്റെ ജനറൽ കോച്ചിന്റെ ബാത്റൂമിന്റെ സമീപം ബാഗിൽ സൂക്ഷിച്ച നിലയിലായിരുന്നു കഞ്ചാവ്. ബാഗിന്റെ ഉടമസ്ഥനെ കണ്ടെത്താനായില്ല. ആർ പി എഫ്, റെയിൽവേ പൊലീസ് എസ് ഐ റെജികുമാറിന്റെ നേതൃത്വത്തിലാണ് ട്രെയിനുകളിൽ പരിശോധന നടന്നത്. ഡാൻസഫ് ടീം അംഗങ്ങളായ ജ്യോതിഷ് ജോസ്, ശരത്ത്, നിജിൻ, സംഗീത് എന്നിവരുടെ നേതൃത്വത്തിൽ ആണ് കഞ്ചാവ് കണ്ടെത്തിയത്. പിടികൂടിയ കഞ്ചാവ് കസ്റ്റഡിയിലെടുത്ത് റെയിൽവേ പൊലീസ് സ്റ്റേഷനിലേക്ക് മാറ്റി.