പാലക്കാട്: പിരായിരിയിൽ ഭാര്യയുടെ പിതാവിനെയും മാതാവിനെയും യുവാവ് വെട്ടിപരുക്കേൽപിച്ചു. തരുവത്ത്പടി സ്വദേശികളായ മോളി, ടെറി എന്നിവരെയാണ് മരുമകൻ റോയി അക്രമിച്ചത്. തിങ്കളാഴ്ച ഉച്ചയ്ക്ക് ഒരു മണിയോടെ ഇവരുടെ വീട്ടിലെത്തിയ റോയി മുഖത്തേക്ക് മുളക് പൊടി എറിഞ്ഞ ശേഷം വെട്ടി പരുക്കേൽപിക്കുകയായിരുന്നു. ഗുരുതരമായി പരുക്കേറ്റ ഇവരെ ആശുപത്രിയിൽ പ്രവേശിപ്പിച്ചു. അക്രമണത്തിനു ശേഷം ഒളിവിൽ പോയ റോയിയെ കണ്ടെത്താൻ പൊലീസ് തിരച്ചിൽ തുടരുകയാണ്. കുടുംബ പ്രശ്നങ്ങളാണ് ആക്രമണത്തിലേക്കു നയിച്ചതെന്നാണ് സൂചന.