കാസര്‍കോട്: ബന്തിയോട് മുട്ടത്ത് റോഡ് മുറിച്ചുകടക്കുന്നതിനിടെ കാറിടിച്ച് ഗൃഹനാഥന് ദാരുണാന്ത്യം. മുട്ടം സ്വദേശി അബൂബക്കര്‍ ഹാജി(70) ആണ് മരിച്ചത്. ഞായറാഴ്ച വൈകീട്ട് നാലോടെ ദേശീയപാത മുട്ടത്താണ് അപകടം. ആരിക്കാടി മഖാം ഉറൂസിന്റെ സമാപന ദിവസമായ ഇന്ന് ചീരണി വാങ്ങി തിരിച്ചുപോകുമ്പോഴാണ് കാറിടിച്ചത്. റോഡിലേക്ക് തെറിച്ചുവീണ അബൂബക്കര്‍ അപകടസ്ഥലത്തു വച്ചുതന്നെ മരിച്ചു. ഇടിച്ച കാര്‍ നിര്‍ത്താതെ പോയി. പിന്നീട് ഹൊസങ്കടിയില്‍ ഹൈവേ പൊലീസിന് മുന്നില്‍ നിര്‍ത്തുകയായിരുന്നു.
