തിരുവനന്തപുരം: ആശാ പ്രവര്ത്തകരുടെ വിരമിക്കല് പ്രായം 62 വയസാക്കിയ നടപടി സര്ക്കാര് മരവിപ്പിച്ചു. 62 വയസില് പിരിഞ്ഞു പോകണമെന്ന നിര്ദേശം പിന്വലിച്ച് സര്ക്കാര് ഉത്തരവിറക്കി. സമരക്കാരുടെ പ്രധാന ആവശ്യങ്ങളില് ഒന്നായിരുന്നു ഇത്. മാര്ച്ച് 19നു മന്ത്രിയുമായുള്ള ചര്ച്ചയ്ക്ക് പിന്നാലെ മാര്ഗ രേഖ പിന്വലിക്കുമെന്ന് ആരോഗ്യ മന്ത്രി വാക്കാല് ഉറപ്പ് നല്കിയിരുന്നു. ഈ ഉറപ്പാണ് ഇപ്പോള് ഉത്തരവായി സര്ക്കാര് പുറത്തിറക്കിയിരിക്കുന്നത്. എന്നാല് വിരമിക്കല് ആനുകൂല്യം 5 ലക്ഷം രൂപ നല്കുക,
വിരമിക്കല് ആനുകൂല്യം പ്രഖ്യാപിക്കുക, ഓണറേറിയം വര്ധിപ്പിക്കുക തുടങ്ങിയ ആവശ്യങ്ങള് അംഗീകരിച്ചിട്ടില്ല. പ്രശ്നം പഠിക്കാന് കമ്മിറ്റിയെ നിയോഗിക്കാനുള്ള തീരുമാനവും നടപ്പായിട്ടില്ല. ആശ വര്ക്കര്മാരുടെ പ്രശ്നങ്ങള് മൂന്ന് മാസം കൊണ്ട് പഠിക്കാന് ഒരു കമ്മിറ്റിയെ നിയോഗിക്കുമെന്ന് സര്ക്കാര് വ്യക്തമാക്കിയിരുന്നു.
‘ആസൂത്രിതമായ ക്വട്ടേഷന് ആക്രമണം’; ഖാദര് കരിപ്പൊടിക്കെതിരെ കൂടുതല് ആരോപണങ്ങളുമായി പരാതിക്കാരന് അഹാദ്
Thursday, 2 July 2026, 16:00
